節哀順變。
TVB非戲劇節目監製及經理衛世輝今早（17日）因心臟病發離世，終年62歲，不少跟他共事過的藝人均感到好突然及惋惜。
衛世輝
薛家燕與衛世輝合作多年，她今日在電話中表示：「我入TVB後有好多綜藝節目都係佢負責做監製，佢係一個好好先生，有求必應，因為有時在節目上特別要求，希望幫我哋申請到，佢都會盡量去做好，處事好投入又認真。」
資料圖片
家燕姐透露今早接到消息時感到好愕然及難過，她說：「我上個月仲見到佢，仲Say hello，諗唔到突然間就離開！我覺得當然好惋惜，佢係一個不可多得嘅一個製作人，在綜藝節目貢獻良多，我諗好多公司同事都同我一樣感覺都係好難過，希望佢家人節哀順變！另外讓我感受到係珍惜現在擁有，注意身體健康，可能佢工作太忙，無留意到自己身體健康都未定，因為佢近排都好忙，一直未停過，佢係一個好勤力嘅人，好難過、好唔捨得，希望佢一路好走！」
薛家燕和汪明荃對衞世輝突然離世，均感到難過。
汪明荃則說：「接到消息真係太突然，我同衛世輝合作咗好多次，係一個好叻嘅人，佢做大騷好識處理問題又好有經驗嘅人，真係太可惜！60歲（62歲），又做得嘢。希望佢太太節哀順變，大家保重。」
資料圖片
