張智霖(Chilam)憑住內地真人騷《披荊斬棘的哥哥》人氣急升,最近開始放中秋假期,他與老婆袁詠儀(靚靚)昨日現身上海機場,並穿上黑白情侶裝,結婚超過20年依然好恩愛。
有網民發現靚靚在機場拎住的包包,是2021年限量版,帆布拼皮加上流蘇邊,約20萬港元。而日前又有網民撞見Chilam陪靚靚到名牌專門店,向來有「寵妻狂魔」之稱的Chilam全程只坐埋一邊望住老婆揀手袋,靚靚則表現雀躍,相信Chilam 應該要大出血了!
娛圈事
張智霖(Chilam)憑住內地真人騷《披荊斬棘的哥哥》人氣急升,最近開始放中秋假期,他與老婆袁詠儀(靚靚)昨日現身上海機場,並穿上黑白情侶裝,結婚超過20年依然好恩愛。
有網民發現靚靚在機場拎住的包包,是2021年限量版,帆布拼皮加上流蘇邊,約20萬港元。而日前又有網民撞見Chilam陪靚靚到名牌專門店,向來有「寵妻狂魔」之稱的Chilam全程只坐埋一邊望住老婆揀手袋,靚靚則表現雀躍,相信Chilam 應該要大出血了!
詹瑞文揚言《即興之王》至少都會做100場,更希望可以將演出帶到去星馬、美加等地,同當地華人或者香港人一同分享!
詹瑞文(Jim sir)一共六場的單拖喜劇《即興之王》於日前完滿結束。闊別舞台8年,Jim sir很開心今次6場演出能順利完成,更於完show後,「即興」宣布馬上籌備Round 2!
Jim sir表示:「我真係好開心,好感恩啲觀眾好投入,同埋大家由世界各地不同嘅地方,飛嚟支持我。呢個係我人生中同事業中都好重要嘅一個作品,所以我響度宣布,我個show係唔會只做幾場嘅,至少都會做100場,呢個係我一個願望,而我呢個願望亦一定會成真。今年希望呢個show,可以帶到去星馬、美加等地,同當地華人或者香港人,一起分享呢個快樂!」
Jim sir的演出得到不少藝人的支持,包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等,每位藝人完騷後,都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ,更對Jim sir的演出讚口不絕,小春謂:「Jim sir響台上做緊咩,我就完全跟曬入去佢嘅世界去睇,好enjoy呀!」
而大多數與太太袁詠儀,一齊出現的張智霖,今次跟他結伴來睇show的,竟然換成甚少公開露面的兒子張慕童(魔童),魔童對這位「即興之王」的表現相當滿意,因為在這兩小時半的演出 裡,魔童多次睇到拍爛手掌兼開懷大笑,見到Jim sir扮女人以「moment姐」身份在台上玩做直播,整part演出魔童都笑過不停,當Jim sir即興坐在一位男觀眾的大脾上時,魔童更突然將雙手捉緊爸爸Chilam的右手,兩人「十五指緊扣」起來,父子倆都睇得相當肉緊,表現興奮!Chilam 謂:「Jim sir好有活力,我嚟學下嘢!好enjoy 、好chill,希望Jim sir做多啲,大家又睇得開心喲!」