陳凱詠搣走壞習慣培養正能量 開處女賣飛Show好多諗法

環球唱片新貴陳凱詠（Jace）唱片大賣，並於上月底在九展Music Zone開只能換飛的免費《PROCESSED音樂會》，為12月11及12日假Star Hall舉行的首個售票演唱會進行熱身。被指接李幸倪 (Gin Lee)棒成為「環球一姐」，Jace坦言好感動：「呢3年公司上下見證住我成長，對我好有信心，係好神奇嘅事。」

陳凱詠話既然公司同事對佢咁有信心，佢會更加努力做好本份。 

陳凱詠上月開嘅《PROCESSED音樂會》叫好叫座，亦為處女個唱做熱身。

陳凱詠成績突出，喺疫市下推出嘅首張大碟《Processing》獲白金數字(兩萬張)銷量 ，上月開嘅《PROCESSED音樂會》又叫好叫座，因此12月再下一城移師九展較大場地演出，兩場夾埋容納3千觀眾。目前Jace先專心宣傳新歌《沒有無緣無故的恨》，提到處女賣飛Show，佢有好多諗法，例如想唱啲大家未聽過嘅歌，或者舞蹈再豐富啲。

識於微時嘅緋聞男友顧定軒當然力撐她。 

陳凱詠喺疫市下推出嘅首張大碟《Processing》獲白金數字銷量。

KB雖然同Jace唔常見，但後者話見到前者好安心。

緋聞男友在心中

可以舉行賣飛Show，Jace既興奮又緊張：「對我嚟講係快咗啲，幸福嘅事好突然，我未試過連續兩晚開演唱會，心諗『死啦唔知點算好！』最有趣公司同身邊人個個都對我有信心，所以我要搣走壞習慣，唔可以再嘥時間嚟否定自己。」除父母、fans成為她推動力外，一啲唔常見，但好有心嘅前輩嚟捧場會令她好安心：「雖然我畀李健宏(KB)玩爆咗個腎，但佢真係好有心，主動提出會買我演唱會飛，叫我留定靚位畀佢！(咁三角戀緋聞男友顧定軒及導演陳健朗呢？）在心中，上次我喺台上見到佢哋好投入咁大叫，都OK嘅。」

Jace父母唔敢追問囡囡演唱會事，怕添加她壓力。

導演陳健朗對Jace好有心，之前親力親為，為她拍歌曲 MV。

陳凱詠開處女賣飛個唱有好多Idea。

JACE陳凱詠推出2024首支跳唱歌《百妖夜行的修行》，化身「蛇妖」與男舞蹈員貼身舞鬥騷！

以獨立身分回歸樂壇的JACE陳凱詠，去年底推出原創EP《HATCHING》，親自撰寫曲詞部分流露真實的面向，來到2024年，她再蛻變得更好玩、更破格，以經典民間傳說《白蛇傳》作靈感，創作本年度首支派台歌曲《百妖夜行的修行》，並於近日妖艷上架！

JACE陳凱詠推出本年度首支派台歌曲《百妖夜行的修行》。

觀看相關影片按連結：https://youtu.be/J_US1vmUFl4?si=L4prF5OnGSD4rAnj

充滿玩味的跳唱曲式，由JACE親自作曲，編曲部分邀得好友兼金曲獎最佳專輯製作人hirsk，另有首次合作的蔡德才共同編曲，並為新歌擔任監製。歌詞方面由「詞神」林夕操刀，同樣別具風格，全曲混合廣東話、英語、國語、日語、西班牙語及韓語六種語言，除了展示JACE的語言天份，更為《百妖夜行的修行》的「怪氣」加持！

新歌由JACE親自作曲，歌詞則由「詞神」林夕操刀。

全曲混合廣東話、英語、國語、日語、西班牙語及韓語六種語言。

新歌的靈感來自經典民間傳說《白蛇傳》，用現代的視角詮釋「百妖」概念，是妖是怪不由旁人指點，鼓勵每個人儘管擁抱最真實的自己，堅定地綻放。JACE 表示：「《白蛇傳》咁經典，我當然知係咩啦，我覺得白蛇同青蛇都好勇敢，妖精都可以去愛㗎，雖然我哋唔係千年修行嘅妖，但係都可以做返自己。怪就怪，怪得嚟唔傷害人，怪得嚟自己開心就夠，其他人嘅眼光？Let go啦。」

《百妖夜行的修行》靈感來自經典民間傳說《白蛇傳》。

新歌鼓勵每個人儘管擁抱最真實的自己，堅定地綻放。

JACE與團隊特意為MV遠赴台灣取景，惜拍攝期間遇上台灣地震事件，幸而團隊並未受到影響亦未有於過程中遇到餘震。JACE直言好感恩，亦再次為台灣送上祝福：「台灣真係一個好正嘅地方，希望大家都平平安安。」是次MV的拍攝地點是位於桃園市、台灣熱播劇《想見你》亦曾取景的廢棄酒店，環境惡劣之餘，亦有不少鬧鬼傳聞，JACE透露拍攝時有舞者稱「有人拍佢」，加她剛剛病癒又要拍攝濕身場口，令JACE大感不適。雖然面對惡劣的拍攝環境兼疑似鬧鬼，JACE仍堅持拍攝，更霸氣表示：「確實係辛苦嘅，但呢啲就係做獨立歌手嘅好玩之處，唔會縮！多謝團隊陪我！」

是次MV的拍攝地點是位於桃園市、台灣熱播劇《想見你》亦曾取景的廢棄酒店。

JACE透露拍攝時有舞者稱「有人拍佢」，加上她剛剛病癒又要拍攝濕身場口，所以感到非常不適。

為貫徹新歌以《白蛇傳》做概念，JACE以銀白蛇妖造型登場，充滿冷艷與優雅的味道，加上紅燈籠場景，為《百妖夜行的修行》結合兩個時代的視覺衝擊。她率領四位男舞蹈員大跳Voguing舞風，有大量手部旋轉的動作配合如模特兒擺甫士的舞種，是高度個人風格的舞蹈，於性小眾 LGBTQIA+文化中極為流行的舞姿，與《百妖夜行的修行》的精神價值不謀而合。

JACE以銀白蛇妖造型登場。

加上紅燈籠場景。

率領四位男舞蹈員大跳Voguing。

JACE於MV裏與舞蹈員鬥騷鬥妖，狂扭纖腰之餘，亦不乏貼身舞步，更有一幕360度轉身仰卧抬腿的高難度動作，雖然她穿上5吋高跟鞋，仍然毫不錫身，正式拍攝前更多次反複練習，為求順利完成。她說：「我覺得好好玩同好有型，雖然對鞋好高，但係咁先正！同埋早兩日喺IG分享咗張『蛇咬』相，好多朋友即刻留言關心我，同大家講聲唔好意思，冇計啦，而家造歌真係要做好多嘢㗎，嘻。」貫徹JACE的好玩破格性格，以「新歌」向粉絲報平安。

JACE於MV裏與舞蹈員鬥騷鬥妖。

狂扭纖腰之餘，更有高難度動作。