Lucy發燒缺席學校生日會爆喊 媽咪出扮靚殺手鐧𠱁掂

LuLu真貪靚～

李璨琛的3歲女兒李元元（Lucy）好鍾意返學，之前試着校服時因還未開學已爆喊過一次，今日（24日）Lucy又再爆喊，更被Lucy媽影相兼拍片放到社交網，分享她喊到流出大大滴眼淚的慘樣。Lucy個樣好可憐，Lucy媽解釋：「發燒冇得返學，仲要今日係學校生日會可以着自己裙裙，有人表示好傷心。」不過Lucy媽指囡囡雖然發燒，但精神狀態極度良好，大家不用擔心。

Lucy前一日仍然好活潑。

Lucy冇得返學參加生日會，在家中爆喊。

果然Lucy媽好快出手，因為小朋友易喊又易哄，Lucy就被媽咪的殺手鐧弄到即時破涕為笑，Lucy媽寫道：「化妝能治百病#發燒都要化妝㗎 #21世紀化妝治療法」，原來有得化妝，Lucy即嗱嗱聲砌好自己的兒童化妝枱，擺好個陣，而因為發燒不能返學一事，已火速拋諸腦後。

好認真地自己砌張枱。

聽到有得化妝，Lucy即極速拎齊用具起壇。

Lucy玩扮靚分散注意力。

雖然發燒，但精神不錯。

中秋時，李璨琛一家三口變裝過節。

Lucy媽梁志瑩近日在限時動態貼出1歲細女李斐斐（Sucy）半夜熟睡相片，並透露兩個女兒相繼生病

近期腺病毒在本港肆虐，李璨琛的兩個寶貝女李元元（Lucy）和李斐斐（Sucy）相繼生病受感染，李太「Lucy媽」梁志瑩（Sophia）po出囡囡病容，慘慘模樣令網民大嗌心痛。

一家四口

李元元古靈精怪

Lulu好錫妹妹。

Lucy媽梁志瑩近日在限時動態貼出1歲細女李斐斐（Sucy）半夜熟睡相片，並透露兩個女兒相繼生病：「最近心好累，家姐之前腺病毒搞5咗成個幾禮拜，好番冇耐，又突然間發高燒流鼻涕，今日又咳到肺癆咁，然後阿妹琴（噚）日又突然間發高燒，跟住今日又發現佢有好多眼膠，然後我發現佢應該都係中咗腺病毒，我今日就係不停幫阿妹抹眼屎搽精油叫家姐食中藥，無限輪迴。#小朋友病真係慘過自己病 #徘徊在客服梁與護士梁之間。」

兩姊妹相繼生病

之後Lucy媽梁志瑩分享Lucy「大」字形攤在軟墊上，一臉無助病懨懨的模樣，留言：「一睇就知佢琴（噚）日經歷咗好多 #好一個咳到懷疑人生嘅樣 #媽媽最近都真係headintheclouds」不少網民感歎「陰功」嗌心痛，紛紛希望兩姊妹可以早日康復，亦有人同情Lucy的病容被公開：「每次阿媽都影到最衰一面」、「好衰呀，人哋唔舒服㗎。家姐，快快好番。」

好鬼慘！

好鬼慘！

好鬼慘！