帶子女移居英國 林子博開個人頻道分享生活難題

稱非想像中簡單。

50歲嘅前無綫娛樂新聞台主播林子博太太董燕君（Shirley）於上年不敵癌症逝世，今年8月林子博帶埋一對仔女移民英國，離開傷心地重過新生活，遵從亡妻嘅遺願好好栽培一對子女成材。

林子博帶子女去咗英國一個月原來仲未Settle down，講起都好煩。

身在英國曼徹斯特(曼城)嘅林子博喺youtube開咗個《子博在英國》頻道講留英生活，首集昨晚首播，播出15小時有二千四百觀眾收看，唔少網民送上祝福及留言叫他加油。

子博喺youtube開咗個《子博在英國》頻道，上載咗15小時有二千四百個觀眾收看。

子女未返到學

唔少網民為三父子女打氣，送上祝福及留言叫他加油。

精神飽滿的子博對住鏡頭正式交待喺英國嘅生活，他說：「大大話話嚟咗英國一個月時間，唔少朋友透過唔同平台問我習慣咗英國嘅生活未？係咪經已Settle落嚟？小朋友係咪返咗學呢？實不相瞞，小朋友仲未返到學，𠵱家我哋仲住喺酒店。」

太太離開後，子博決定帶埋一對仔女移民英國，離開傷心地重過新生活。

他唉一聲續說：「原來唔係咁簡單，因為住唔起大城市倫敦，就揀咗第二大城市曼城，當日諗住先搵間酒店落咗腳，再搵租盤，但呢度嘅業主係要睇租客有冇工作，唔係話肯交一年租金就隨便租屋出去，所以就棘住咗好多相關嘅嘢，好似仔女搵學校要有正式嘅租約證明，而酒店唔算係住址證明，除非租Airbnb旅居，所以小朋友未有得報學校，𠵱家仲喺度搵緊屋嚟租。不過，日內會轉住Airbnb，始終住酒店冇爐頭煮食，除此之外冇得洗衫，要經常出去食嘢同洗衫真係好煩。嚟度我第一時間租車，但呢度啲人慢活，租車都等成個月。」

今年8月子博舉家低調移民英國。

邊學邊做整餅

子博喺當地邊學邊做整餅，月餅及菠蘿包都做得大板有眼。

第一次去英國的子博，認為去到一個人生路不熟的地方，生活照應好重要，幸而英國由南到北都有朋友，他有朋友喺曼城市中心開咗間甜品外賣店，因而由朋友做盲公竹。之前朋友店鋪唔夠人手，他落鋪幫手整月餅及菠蘿包，但強調唔係轉行：「我發覺都幾好玩，但飲食業時間好長都辛苦，自己要拜師學藝，邊學邊做，至少要有認識，先夠膽效發朋友開店。」

子博帶埋木結他隨身出發。

他又表示，喺英國最唔慣飲食方面，因為香港太多好西：「呢度keep住食漢堡包、沙津、薄餅、有時食到中餐炒飯、炒麵，連意粉都少食，真係好掛住香港茶餐、豆腐花、粥、油炸鬼、泰菜…連五香肉丁喺呢度嘅中國超市都買唔到，至於其他生活細節ok。」

16歲長女詠渝喺英國街頭跳舞自娛。

唔夠分去加國

子博跟16歲長女詠渝及12歲細仔卓楠都唔捨得離開香港。

他坦言其實首選去加拿大居留，除咗有好多朋友喺加拿大，仲有相熟朋友搭咗路，可以喺當哋電台反電視台開咪及做節目，做返自己喜歡嘅工作，無奈唔夠分申請技術移民，英文程度又低唔可以讀書移民：「幸好英國教育喺世界排頭幾位，同小朋友嚟呢度未嘗唔係好事，而且我今次冇包袱離開，我喺香港冇正職兼冇物業，我只係帶住4個大行李喼及5-6袋嘢，另有枝結他。至於船運就有28箱物品，當中有衫褲鞋襪仲有相簿、數碼鋼琴、木箱鼓、卡拉ok機、遊戲機、電腦…最好家檔唔好咁快到，因為未有地方住，否則又要畀倉租。」

今年8月林子博遵從亡妻嘅遺願好好栽培一對子女成材。

其實子博最愛做返演藝工作。

子博喺youtube開咗個《子博在英國》頻道講留英生活，大家記得like、訂閱及分享 。

網民留言：「偷拍唔係咁好喎！」

前TVB《娛樂新聞台》主播林子博經歷喪妻成為單親爸爸，為了令子女有更好的生活，2021年一家三口移居英國。近年林子博亦不時於社交平台分享生活近況，不少網民都對他表示支持。不過日前林子博於IG分享一個貼文卻引起爭議，5月22日再翻查林子博的IG，發現他已將相關貼文刪除。

林子博太太董燕君於2020年因癌症病逝。 ​

林子博現時與一對子女已移民英國。

林子博曾因缺乏充足準備就移英而遇上不少困難。 ​

林子博去年開始經營YouTube頻道，單親爸爸人在異鄉遇上不少困難，曾拍片哭訴移英後諸事不順。

林子博剛到英國時，租住的公寓「甩皮甩骨」又未找到工作而陷內低潮期。

現時林子博在英國已經找到工作，亦已找到安樂窩。

林子博不時於IG分享與亡妻的合照，可見他非常掛住太太。

林子博去年於社交網分享與亡妻的舊照，悼念亡妻逝世兩周年。

林子博去年底由公寓搬往兩層高獨立洋房，生活總算安定下來，林子博亦曾拍照及拍片分享屋內的環境。但日前林子博目擊外籍美女鄰居穿三點式泳裝正在曬太陽，他拍下照片後上載到IG，留言表示鄰居應該守望相助、遠親不如近鄰：「我最憎啲人搽太陽油唔搽背脊！😤呢啲鄰居真係好討厭，成日喺門前馬路邊曬太陽……都唔叫埋我！😡😡😡😡😡😡😡😡」但卻遭網民留言指：「偷拍唔係咁好喎！」而他的言論亦引來部份網民批評。

林子博日前於IG上載兩張三點式女郎坐在路旁曬太陽的照片。

但林子博的言論及舉動卻引來爭議。

有網民留言指：「偷拍唔係咁好喎！」拍照的行為似乎引起批評，而他於IG分享鄰居的泳照再表示想加入一同曬太陽的言論都惹來爭議。

而22日再翻查林子博的IG，發現他已將相關貼文刪除。雖然貼文中的言論是出於幽默，但估計林子博是怕再生事端而刪文，平息網民怒氣。

林子博已將相關貼文刪除。

林子博早前由公寓搬往兩層高獨立洋房連超大花園。

林子博與子女感情非常好，不時一起拍片拍照分享生活。

林子博去年底自爆由公寓搬往兩層高獨立洋房，更拍攝屋內環境，曝光超大型花園。

大花園要一手一腳打理。

找到理想家園令人羨慕。