姜濤日前與Jer（柳應廷）、林家謙及Tyson Yoshi合作為商台演出《拉闊音樂會2021 - 風火雷電》，當晚ViuTV的總經理魯庭暉亦有到場睇騷，在開騷前夕，姜濤出席活動曾經暈倒，而Jer更在開騷前一晚，氣管突然出現敏感，幸好最後有驚險，順利完成！
魯暉在IG撰長文。
今日魯暉在IG撰寫長文，原來他一直擔心兩人的狀態：「首先一個就開show之前唔舒服，一個就早排唔舒服。早排唔舒服嗰個，我叫咗佢去食多啲嘢，唔准再驚肥skip晒啲嘢，叫佢唞多兩日，唔俾佢咁快開工，佢就打嚟唔俾我唔俾佢開工。所以嗰晚live，佢哋每唱一粒音，每跳一個Step，我嘅情緒都係好似一個考緊車牌嘅人，俾個考官啤住嗰個感覺咁上下。」
魯暉在睇騷期間，一直擔心姜濤和Jer的狀態！
近年ViuTV除了有自家劇集外，亦不時推出自家原創歌曲，本來在五周年的時候，曾經提議過將這5年推出過的歌，收錄成為一張專輯，但最後得不到同事們的支持而冇下文，魯暉表示除了私心最鍾意《盡力呼吸》外，另一首就是《前傳》，當晚聽到姜濤唱這首歌，別有一番感受：「我好少完show之後send message同番佢哋講個show有乜嘢好，send親都係唔好嘅comment (喂，係咁㗎啦），嗰晚我send咗俾嗰位歌手：編得好，你亦handle得好。」
資料圖片
魯暉曾私訊讚姜濤的演出。
