為MIRROR開創「M字額系列」 黃偉文第三次幫Edan新歌填詞

Solo歌都要襯返團名「MIRROR」？

作詞人黃偉文（Wyman）近來頻為MIRROR成員的個人單曲填詞，姜濤、盧瀚霆（Anson Lo）及呂爵安（Edan）近期的大熱作品都是出自Wyman手筆。Edan昨晚（4日）於IG透露新歌《My Apple Pie》將於明日（6日）首播，跟前兩首個人單曲《E先生連環不幸事件》及 《小諧星》一樣，都是由Wyman填詞。

Wyman已經係第三次為Edan個人單曲填詞。

Wyman於IG分享原來無意間為MIRROR成員的個人單曲開創了「M字額系列」。Wyman表示Edan新歌歌名《My Apple Pie》本來想叫《À La Mode》，因為 À La Mode才是他真正想寫的概念，不過未有解釋原因：「點解會變成《My Apple Pie》我哋遲啲先講故事。」

Edan新歌歌名《My Apple Pie》本來想叫《À La Mode》。

Wyman又透露他填詞的《Master Class》本來的歌名叫《大師班》，以及《Megahit》也曾考慮叫《乒鈴嘭唥》，加上Edan新歌《My Apple Pie》，他為三位MIRROR成員所填詞的歌名皆是以「M」為首，他認為就像是命運安排。又笑言：「好似上天無端端同我開咗個新系列咁，如果以後仲有機會寫其他Mirror成員(單曲)，我係咪應該每人一首M字頭嘅英文歌名，哈哈哈？」

姜濤首《Master Class》，本來叫《大師班》。

Anson Lo新歌《Megahit》都考慮過叫《乒鈴嘭唥》。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。