思希自言連膝頭都會揸精華素!
劉思希在劇集《我家無難事》中飾演田羽冰,經過接近三星期「努力」,她憑藉一雙修長美腿成功入屋,網民大讚「對腳真係好靚」之餘,又大讚其婚紗Look有睇頭。
對於美腿備受各方讚賞,思希受訪時謙虛謂:「其實以前都唔覺得自己對腳靚,淨係知道自己幾高大,腳都幾長,估唔到入咗行好多人讚我雙腳。我呢一、兩年都有少少護腿心得,例如每日早晚揸兩次潤膚露,按摩吓對腳,令對腿淋巴通暢啲,咁腳嘅線條會柔和啲,我連膝頭都會揸精華素㗎!」
思希還感激監製王心慰(Amy姐)既是其恩師亦是其伯樂:「有次出trip拍外景我表現得不太好,Amy姐和我說了一番話,我到現在還記得:『做戲就要豁出去,唔可以因為驚俾人鬧就住就住,要對得住自己同角色。』之後我就開咗竅。咁多年嚟,Amy姐比我自己更相信我自己,這給了我很大的鼓舞。」