大仔扭計陳凱琳當街跪𠱁都無符 「最強老竇」鄭嘉穎秒速拆彈

都喺爸爸有計！

陳凱琳(Grace) 18年嫁給年齡相差22年鄭嘉穎後，三年抱兩，一家四口經常在社交平台分享開心片段，Grace婚後停工專心湊仔，跟老公約定「唔使開工就要幫手」。日前，一家三口及一對母子朋友在街等上uber，Grace為𠱁仔不惜當街「跪地」，但都不及最強老竇鄭嘉穎有計，一個汽球已經令大仔鄭承悅（Rafael）開心晒。

鄭嘉穎出手幫老婆，承悅甩開媽咪轉投老豆懷抱。

鄭嘉穎跟承悅傾得好開心。

自從今年6月主持完節目《日日媽媽聲》後，陳凱琳再度回歸屋企，繼續照顧一對仔，暫時休息在港的鄭嘉穎，亦兌現承諾陪玩陪去街，早前Grace就分享老公跟仔仔踢波片，網民更大讚老竇識做勁有戲，承悅會以為自己踢入一球世界波。

鄭氏一家四口，個個都係靚人。

囝囝黐老竇

在家陪仔，鄭嘉穎日前又孖Grace帶大仔行街shopping，在銅鑼灣街頭等上uber的十多分鐘，2歲半大仔已經等得唔耐煩，突然甩開媽咪想行出馬路，好彩Grace動作快即時跪地攬實，見阿仔冇晒心機，鄭嘉穎立即出手幫老婆，跟仔仔講完幾句，再將手中汽球綁在承悅小手後，𠱁得仔仔立即生猛晒。

承悅等上車唔耐煩，一度想衝出馬路，好彩陳凱琳即時攬實。之後 鄭嘉穎全靠汽球𠱁仔成功。

鄭嘉穎有計拆彈快，之後便抱住承悅上車。而Grace亦自動波一個人坐前座，等仔仔乖乖黐住老竇坐車返屋企。

一行五人齊齊上uber。

近日有網民在東京新宿偶遇Grace，私下穿搭曝光，更被直擊為家人選購小禮物。

32歲前港姐陳凱琳（Grace）近年轉型KOL，三子之母的Grace身型相貌達巔峰狀態，近年經常以性感打扮示人，亦都經常在社交平台大派福利，展現骨感美一面。近日有網民在東京新宿偶遇Grace，私下穿搭曝光，更被直擊為家人選購小禮物。

Grace 四年抱三，一屋小孩

轉型做KOL

越來越性感

Grace為廣告大開中門

疑似真空上陣

若隱若現身材惹火

Grace為了工作經常穿搭性感，曾自爆因太暴露而被老公鄭嘉穎「提點」，不過她完全零理老公，越穿越少布，不過Grace私底下的穿搭其實相當密實，早前有網民在新宿偶遇陳凱琳，上傳兩人合照並留言：「在新宿偶遇到2013年香港小姐陳凱琳，只因人群中多看你一眼便有了這個合照，本人好Nice很漂亮很親和哦」。合照中可見Grace穿著低調又保守，頭戴冷帽身穿上粉紅色長袖恤衫搭配軍綠色軍褲，而她手上拿著兩盒玩具車車，以及一件粉紅色tee，疑似是買給囝囝和老公鄭嘉穎。

曬合照

Grace亦在限時動態貼出了一條爸爸接機的影片，她以英文留言：「當你32歲了，但你爸爸仍然堅持去機場接你。（When you're 32 but your dad still insists to pick you up from the airport.）」影片可見陳爸爸陳桂祥在接機大堂高舉雙手迎接女兒，更為Grace拿行李，可見對女兒非常寵愛。

獲暖心接機

獲暖心接機