飼養17年愛犬過世趙哲妤難捨離別

沒勇氣收拾遺物。

前中國小姐趙哲妤（Uny）自2016年誕女後，已逐步減少演藝工作，早前有指她修讀言語病理學碩士課程，於醫院執業。

好耐沒見的她，昨日（17日）在社交網更新近況，不過她非常傷心，因她養了多時的愛犬Choco不幸離世。

Uny寫道：「Rest in peace, Choco. 記得17年前，第一次見你，今天是最後一次了。沒有了你的日子，有點空蕩蕩。之前買給你的零食和玩具，似乎大家都沒勇氣親手收拾。最後一次，為你送上最大的祝福。願你一路走好，永遠幸福快樂！」

她又有感而發，指長大後，人生就是不斷放下的過程，如果每一次都好好道別，或許會少了很多遺憾。

趙哲妤（Uny)趁假期帶囡囡（小魚）同埋媽咪去馬來西亞吉隆坡親子遊。

趙哲妤（Uny)早前亦趁住假期帶咗喺馬來西亞出生，今年6歲大嘅囡囡（小魚）同埋媽咪去馬來西亞吉隆坡親子遊，玩得不亦樂乎。原來受疫情影響，Uny一家超過3年無離開過香港，雖然小魚2-3歲時，因為要陪媽媽出國工作或旅遊而坐過幾次飛機，但因為年紀太細，小魚已經無太多記憶。今次坐飛機，小魚全程又乖又合作，更被高空上的雲彩吸引，發揮無限想像力，覺得有不同動物化身雲彩陪佢坐飛機。

而去到馬來西亞，Uny 安排了好多有心思的親子活動，包括手工Batik彩繪、白鑞工藝品制作、仲特別帶小魚去探訪當地兒童收容中心，讓她可以從細就培養參與慈善的習慣。Uny話：「一直知道東南亞有不少孤兒院，而感到欣慰的是，見到好多有心人會主動捐贈物資及金錢去幫助這些小朋友。」而Uny今次都跟當地朋友一齊買好多禮物及日用品送給住在收容中心的小朋友。她更借機會呼籲大家：「除咗有錢出錢之外，希望大家做善事時，有力出力，例如有教學經驗嘅朋友可以幫手同小朋友上吓堂，識烹飪嘅人可教下小朋友煮嘢食，甚至運動員都可教下小朋友運動，皆因授人以魚，不如授人以漁。」Uny說，見到有小朋友無機會去學校讀書，雖然收到善心人送的作業，但又唔識做，所以身為言語治療師的她，都希望自己下次做義工時，除贈送物資，可以有機會拉多幾位朋友去做義教，等小朋友有機會學更多知識。完成探訪後，Uny特別大讚囡囡小魚有耐性，皆因平日在家小魚會比較依賴家人，但做義工時竟然好懂事，會幫忙照顧年紀更細的弟弟妹妹，也願意分享施贈，感恩今次旅程真係獲益良多。