同衛蘭開騷晒舞技 馮允謙自爆被爸爸細佬嘲笑跳得差

Jay話之前響屋企練舞，但無音樂，爸爸睇到話笑到肚痛。

衛蘭（Janice）與馮允謙（Jay）昨晚（24日）於九展進行尾場《 JANICE X JAY FUNG：BACK TO THE NEXT SKOOL》音樂會，林欣彤、衛詩、RubberBand主音6號、鄭欣宜、鄧佩儀、黃淑曼、曾比特、Tonick主音趙善恆和女友譚杏藍（小花）等入場支持。

兩人合作令觀眾聽出耳油。

衛詩現身撐胞姊。

鄭欣宜

RubberBand的6號

Janice和Jay以歌曲《運動詩歌X Full Moon Party》為音樂會揭開序幕，當Jay唱完《Let‘s this Tonight》後，他戴上帽子大跳已故美國天王米高積遜（Michael Jackson）的經典舞步及自摸褲襠，引得在場女粉絲尖叫，其後兩人合唱《講多無謂》時，Janice彈結他伴奏，現場亦播放兩人兒時的片段。

Jay大跳米高積遜的經典舞步。

Janice當然以歌會友。

Jay笑謂讀書時已聽對方的歌曲，Janice聞言即謂：「我唔係好老啫！」她續說指跟Jay分別也是雙胞胎，有不少人認為雙胞胎一個性格內向，另一個會較外向，她自認是內向女生，而Jay亦認同自己也是內向之人，更爆孖生弟弟馮重謙（Tim）昨晚未有到場，皆因已睇過首場演出，弟弟亦踩他跳舞好核突，此外，Jay又說：「今晚爸爸同媽媽都有嚟，之前響屋企練舞，但無音樂，爸爸睇到話笑到肚痛，叫我唔好跳舞。」

唱出拿手情歌。

Janice亦有跳舞演出。

兩人都是雙胞胎，是另一種緣份。

Jay早前才跟MIRROR的陳卓賢（Ian）合作開騷，他謂：「兩個月內開咗4場騷，但開騷好開心，令到個人唔會懶， 會做下Gym同練歌，只係無時間寫歌，我都想幫Jaince寫歌。」Jay又指女友身處加拿大，但將來開個演唱會必定前來支持，亦希望明年能夠開演唱會，而Janice表示稍後亦跟另一位歌手合作開騷。

馮允謙和衛蘭合作一連兩晚開騷。

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。