陳卓賢又拍內褲廣告 騷肌半裸粉絲狂讚超正

鏡粉們有福了！

MIRROR成員盧瀚霆（Anson Lo）及江熚生（Anson Kong），早前一同為品牌騷肌拍內褲廣告，令一眾女fans及「神徒」陷入瘋狂狀態，紛紛到門市的巨型廣告前「打卡」，其中AL亦曾到某商場的廣告自拍留念。今日品牌又再發放一條只有8秒的最新內褲廣告預告片，雖然今次跟上次一樣，在預告中未見到男主角真面目，但一眼已認出同是身形fit爆的陳卓賢 （lan）。

之前先有Anson Lo。

再有Anson Kong。

反而最先出街的約8秒預告，才有上身赤裸冇穿牛仔褸。

身材fit爆。

陳卓賢接力拍的內褲廣告今日出街。

預告片發文中指：「千呼萬喚的第三位神秘成員今天即將揭曉，Stay tuned!」片中只見男主角先穿上牛仔外套及牛仔褲側躺在地上，其後半裸上身躺在沙發上，影片未有拍到他的樣貌，不過一眾lan的「Hellosss」（粉絲匿稱）已一眼認出偶像，紛紛留言：「我暈喇」、「心臟病發要call白車」、「爆肌好正」及「陳卓賢嘅肉體呀」等。而約10秒長的廣告片在今日傍晚推出，片中終於見到Ian靚仔樣，但他卻全程都穿上牛仔褸，身材只是約隱約現，相信一眾「Hellosss」必定大叫：「除褸！」

今日輪到Ian。

不過網上只有約10多秒的廣告片，Ian全程穿上牛仔褸。

只能隱約看到身形。

當然要有靚仔樣。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。