入院切除脊椎腫瘤 李蘊獲老公陪伴在側行動澄清無家暴

祝早日康復！

李蘊自2015年嫁給內地金融才俊羅章冠後淡出幕前，日前因她上載一張抽血相，透露要入醫院做身體檢查，竟有網民指她遭受家暴，激到李蘊「紮紮跳」。昨日（26日）她在社交網貼出躺在醫院病床的照片，遠處見到其夫坐在窗旁的梳化上講電話，而她又在限時動態連環出Po，交代自己因脊椎腫瘤入院，似是為家暴一事闢謠。

李蘊稱入院前和老公拍拖。

自言手術完成返回病房的李蘊，留言感謝祝福，並透露要吊消炎止痛藥，又因有尿喉及引流管，因此有兩、三日不能落床，不過可以玩電話，只是麻醉藥剛過會比較攰，她撰長文交代為何事入院：「我pat pat上面右邊舊骨痛咗幾個月，平時唔痛，係跑步／跳起／運動先痛，一路都以為生完小朋友有時又要抱，腰酸骨痛係正常，無理佢，上星期五心血來潮去睇吓醫生，醫生話似坐骨神經痛，不過叫我照下MRI（磁力共振）會清楚d，咁照啦，一照就發現有粒1x1.6cm嘢係胸椎椎管入面，即係脊椎腫瘤，我第二日就去大醫院搵大醫生睇清楚，第三日就入院同做各樣深層次檢查，今日就已經全身麻醉切咗粒嘢。」

李蘊不斷出Po。

相信人無事，好精神。

李蘊指要等化驗結果才知道「粒嘢」是甚麼：「因為係黐住神經，所以無得做微創，醫生話傷口5cm左右，哇！我個美背啊！哈哈～而家傷口好痛吓，呢幾日要平躺，枕頭都唔可以用，食痾玩瞓都係床，過多幾日就可以出院㗎啦！大家身體最緊要，有唔舒服唔好等、唔好忍，真係睇咗醫生先，及早發現及早治療，大家一定要身體健康。」

好耐冇見Cream！

樂壇最年輕組合Cream於20年前出道，李蘊（Renee）與昔日隊友陳曉彤（Hilda）和盧嘉寶（Carpo）隔空相見，三女難得派心合體，勾起不少網民的童年回憶。

Cream於20年前出道

樂壇最年輕組合Cream

勾起不少網民的童年回憶

三位成員Carpo、Hilda及Renee當年參加商場舉辦的新星新人類選拔賽後入行

Renee偶爾會派發福利

Renee不時更新IG

泳裝照

Renee不時於IG分享靚相派福利，她最近貼出Cream齊齊派心的「合照」，並寫道：「❤️Cream❤️ Carpo🎤Hilda🎹Renee🥁 難得共聚👧🏻➡️👩🏻 感謝緣份🥰 20週年快樂🎊」Cream於2004年出道，三位成員Carpo、Hilda及Renee當年參加商場舉辦的新星新人類選拔賽，分別奪得冠軍、亞軍及殿軍，被經理人趙彼得發掘簽約為輝皇娛樂旗下歌手，成為樂壇最年輕的歌手組合。不過Cream於2007年宣布解散，並表示「三人雖暫時分開，但Cream永遠存在」。