一人分飾7角好大挑戰 麥貝夷跟Lincoln有親密互動

麥貝夷與Lincoln合作微電影。

麥貝夷、前組合天堂鳥成員許俊豪（Lincoln）、白健恩及林雅詩主演的微電影《解離》日前完成拍攝，女主角麥貝夷在戲中一人分飾7角，坦言極大挑戰。

二人親密場口，麥貝夷叫直接點不用想太多，令Lincoln放心演。

麥貝夷一人分飾7角好大挑戰。

她說：「我又係演戲新人，喺準備時同導演溝通咗好多次，希望盡善盡美。」

林雅詩

她表示今次拍攝最深刻的一幕，是要迅速由一個人格轉變成另一個人格，「兩個人格嘅狀態同人設有成-100到+100咁大，所以呢個挑戰特別大。另外就係喺呢7個角色入面，其中一個係男人，又一個係TB。演TB嗰一幕，去到現場都用咗少少時間再揣摩，特別呢一場戲喺拍攝期間NG咗好多次。好彩導演同埋Lincoln都好有耐性，Lincoln仲畀咗幾招我傍身，最後趕得切喺日落之前拍完。」

白健恩

Lincoln以男主角身份稱：「雖然劇本係一個短篇微電影，但導演同我講，我嘅角色唔同人格會有好大嘅對比，所以我都好想挑戰；同埋好開心可以同麥貝夷合作，因為有啲場口要同佢做一啲比較親密嘅互動，一開頭都討論咗好耐，但反而佢叫我直接啲唔使諗咁多，所以好快就做到一種男女朋友嘅感覺。」

麥貝夷與Lincoln合作微電影。

翟威廉好坦白。 

2005年參選亞洲先生出道的翟威廉，3年前被麥貝夷數臭係「最差勁渣男」，更被踢爆性伴侶驚人。翟威廉日前接受傳媒訪問時，直認超過10年都過著這種性伴模式生活，又指圈中有好多低調的同道中人。

翟威廉亦是《2010年度香港先生選舉》冠軍，以大熱姿態當選

翟威廉在訪問中，被問起是否有海量性伴侶，他坦言自己都差不多40歲，又冇Fans，冇必要講大話，大膽直認：「其實多年來我就係咁樣（多伴侶）生活，呢個就係我生活模式。（SP數量？）因為唔係日日見，有啲一個月，有啲半年，甚至喺日、韓都有，可能常任（相熟SP）得幾個，但我唔想講驚人數量，如果係玩家一定會明。」報道在討論區引起討，不少網民大讚翟威廉大方承認，又讚「呢樣又幾欣賞佢，講完出嚟不知幾爽，唔使就住就住」，更有網民問翟Sir收唔收徒弟？」。

歌手麥貝夷（Karene）曾於IG限時動態力數翟威廉惡行

翟威廉對於網民的讚賞就表示這只是一種生活方式，沒什麼值得崇拜，又強調不是推薦這個生活方式，他不是炫耀自己多SP，不希望被斥教壞人。他說﹕「每個人有唔同生活方式，你做自己鍾意嘅嘢，如果你鍾意結婚咪結婚，你鍾意拍散拖，最緊要注意唔好傷害到人。」又話﹕「其實都係生活。有啲人鍾意拍拖，咪過佢嘅生活囉，唔同方式。我冇推舉呢樣嘢呀，我自己係咁咋，我冇推薦佢㗎！」

有網民關心，翟威廉曾與哪位女藝人發生這種關係，他則否認：「冇，冇女藝人。（一個都冇？）冇冇冇，就係冇。平時我哋都唔會提及呢啲嘢，記者問我對呢個社會生態有咩見解我先會講，但平時我唔會提。」至於現時有幾多位SP﹖他只透露：「都係正常囉，因為我工作比較忙。工作忙得來依家有好多生意要搞，都搞唔掂。」

翟威廉說愛錫家人和專心工作係他現在最重要的

他說現時要專注自己酒批發的工作