同一網民７次捕獲周潤發 激動澄清：3年嚟都只係5次

運氣。

FB圖片

國際巨星周潤發（發哥）向來貼地親民，向來都會與偶遇的影迷合影留念。不過最近有位網民竟向發哥連續集郵，即使向來親切的發哥都不禁黑面。網民留言表示：「今日10點約朋友大埔食嘢，我叫朋友揀食大埔邊間？佢話最深刻我喺『林記』見到發哥，所以就揀去食點心……點知一坐低竟然又見到發哥，即刻再去捕獵，發哥話：『你又嚟？你成日擺我上網喎！』我回應：『係呀！發哥你受歡迎嘛！我每次同你影相都好喜悦同開心！』發哥就拎起電話又同我合照了！」

FB圖片

即使發哥罕有地皺晒眉，不過該位網民就稱：「發哥話今次俾啲唔同款式嘅表情給我」，更大讚發哥超Nice兼冇黑面。此Post更引來不少藝人留人，如柳俊江就指：「發哥呢個表情，相信唔係演技嚟。」而黃建東亦相當羨慕稱：「我行咗一世山都仲未撞到發哥…..」另有人指這位網民三年來七次偶遇發哥，未免太巧合，不少人指責他過度打搞發哥。網民就激動地澄清表示：「明明3年嚟都只係5次（計埋昨朝）無端端俾人入多兩次重要被人圍插同攪埋柳爺𠻹！不過食得鹹魚抵得渴，鬼叫我分享咩！人哋都係搵食啫！要話就話我，但請唔好咁惡毒話埋我屋企人！」 

FB圖片

不過亦有其他人回覆表示，其實發哥經常會與跑友到大埔熟食中心醫肚，有網民分享了發哥與盧海鵬用餐的相片，更表示已經連續三日遇到發哥。

網頁截圖

網頁截圖

網頁截圖

網頁截圖

黃芷晴在IG分享與爸爸黃日華、苗喬偉及兩位長輩朋友跟周潤發「龍年第一跑」的照片，不少網民表示非常羨慕黃芷晴！

今日（2月10日）是大年初一，不少人都會外出拜年，而周潤發就風雨不改繼續帶隊跑步，黃日華33歲的愛女黃芷晴就在社交平台分享與爸爸、苗喬偉及兩位長輩朋友跟發哥「龍年第一跑」的照片。

發哥一向熱愛跑步，會與志同道合的朋組圍一齊跑。

發哥早前亦有參加渣馬。

黃芷晴在IG留言：「祝大家身體健康、龍精虎猛、行運一條龍」，相中可見，黃芷晴被三位型男包圍，而三位型男都好應節，齊齊穿上紅噹噹的外套，而且滿面笑容，心情與狀態都極佳！不少網民看過照片都表示羨慕，「三位型男陪住個女」、「新春大吉 好幸福的照片」、「幸福嘅女子」，更有網民留言詢問黃芷晴跑步的地點，夏雨的兒子黃奕晨亦表示：「喂呀原本我今日唔開工都會過黎🥲」。

三位型男都著得好應節。

黃芷晴還貼出與發哥的自拍照。

一行人早上9點就已經開始跑。

同行還有兩位長輩朋友。