為追多個女提前實習 李璨琛老婆訓練Lucy湊小朋友

LuLu大個女啦～

李璨琛（Sam）的老婆梁志瑩（Lucy媽）似乎打算再追多個小朋友，為3歲的囡囡李元元（Lucy）添個妹妹，她日前在社交網表示：「李老母深信吸引力法則嘅道理，所以喺LU未有妹妹之前，先要LU做咗姐姐先，為咗加緊處理，仲特登借咗人哋個女實習一下。好彩都係幫手餵下奶唔係餵糊仔（即刻諗起深喉唾液樣本事件）換吓片片，抹吓嘴嘴，全程都係作作狀狀咁啦」。

Lucy媽話趁囡囡未有妹妹之前，借人家的女兒給Lucy照顧當實習。

影片中可見，Lucy照顧比自己年紀細的小朋友，都幾有姐姐風範，餵奶時自己無偷食，還幫手扶住個奶樽，換片時雖然打孖上，但最後都叫做有幫手着好紙尿褲。看來Lucy媽可以和老公Sam加緊努力，生多個女陪Lucy。

Lucy照顧小朋友有模有樣。

食完抹嘴。

打孖着尿片。

好認真要着好條尿片。

而昨日（6日）另一帖文，表演慾旺盛的Lucy，一如以往穿上底衫襯睡褲，對着家中的巨型鏡牆手舞足蹈，一時轉圈一時趷籮，又定格擺pose，投入度直逼準備出道的練習生。Lucy媽留言：「流住兩行鼻涕都無減佢對跳舞嘅熱誠 #真心欣賞佢個endingpose同ending樣。」

一有時間就練舞。

跳極唔攰。

個Ending pose不得了。

Lucy媽梁志瑩近日在限時動態貼出1歲細女李斐斐（Sucy）半夜熟睡相片，並透露兩個女兒相繼生病

近期腺病毒在本港肆虐，李璨琛的兩個寶貝女李元元（Lucy）和李斐斐（Sucy）相繼生病受感染，李太「Lucy媽」梁志瑩（Sophia）po出囡囡病容，慘慘模樣令網民大嗌心痛。

一家四口

李元元古靈精怪

Lulu好錫妹妹。

Lucy媽梁志瑩近日在限時動態貼出1歲細女李斐斐（Sucy）半夜熟睡相片，並透露兩個女兒相繼生病：「最近心好累，家姐之前腺病毒搞5咗成個幾禮拜，好番冇耐，又突然間發高燒流鼻涕，今日又咳到肺癆咁，然後阿妹琴（噚）日又突然間發高燒，跟住今日又發現佢有好多眼膠，然後我發現佢應該都係中咗腺病毒，我今日就係不停幫阿妹抹眼屎搽精油叫家姐食中藥，無限輪迴。#小朋友病真係慘過自己病 #徘徊在客服梁與護士梁之間。」

兩姊妹相繼生病

之後Lucy媽梁志瑩分享Lucy「大」字形攤在軟墊上，一臉無助病懨懨的模樣，留言：「一睇就知佢琴（噚）日經歷咗好多 #好一個咳到懷疑人生嘅樣 #媽媽最近都真係headintheclouds」不少網民感歎「陰功」嗌心痛，紛紛希望兩姊妹可以早日康復，亦有人同情Lucy的病容被公開：「每次阿媽都影到最衰一面」、「好衰呀，人哋唔舒服㗎。家姐，快快好番。」

好鬼慘！

好鬼慘！

好鬼慘！