馬國明忙拍劇無暇結婚 唐詩詠：有假就得

避談婚訊。

「安心事件」發生近3年，47歲馬國明做咗受保護嘅「馬明BB」，去年跟34歲湯洛雯公開戀情獲全城祝福，拍拖以來屢傳好事近，最近再傳馬國明已向某國際品牌訂製婚戒預備結婚。正拍攝文偉鴻監製新劇《隱形戰隊》的馬明避談婚訊，但心情好好，連印汗都係咁笑！馬明雖然封嘴唔回應，不過「好兄弟」唐詩詠唔覺意講出重點：「𠵱家最重要係假期！」馬明大笑和應：「畀個有薪假期我會諗諗！」

製作認真 馬國明喺沙田鬧市拍攝一場槍戰戲，現場製作認真，監製親自指導。

印汗都笑 工作人員幫馬國明印汗，心情好好嘅佢係咁笑。

積極瘦身 「靚湯」正積極瘦身，被指同馬明好事近。

傳出婚訊，心情靚爆嘅馬國明同唐詩詠拍新劇外景時係咁笑。

上周六朝早，馬國明與唐詩詠在沙田鬧市，為TVB新劇《隱形戰隊》拍攝一場槍戰重頭戲，劇情講兩人跟恐怖份子頭目黎澤恩（組合MR成員Ronny）喺馬路上駁火，當中有爆破鏡頭。以真槍上陣嘅馬國明及Ronny全程有軍火專家傍實，每次持槍前都要由專家確定安全。

好有台型 唐詩詠全副武裝上陣，喺條街喪跑捉拿恐怖份子。

表情肉緊 馬國明拍到青筋都現埋，好投入。

望快啲完 只想快啲拍完套劇嘅馬國明，一埋位就相當用心。

肉緊賣力拍得順利

當日雖然晨咁早開工，而且天氣回暖，着住長袖外套拍動作鏡頭嘅馬國明熱到係咁流汗，睇見佢都辛苦，但馬國明精神奕奕，心情大靚，不論同工作人員交談、跟路人影相、連補妝、甚至印汗都係咁笑。埋位時就全程投入，肉緊到青筋都現埋，相當落力，因為NG唔多，拍得好順暢。馬明形容係拍劇以來，最多動作戲嘅一套作品：「拍動作戲都辛苦㗎！反而拍槍戰場口好玩得多，尤其係男仔鍾意開槍。由於係用冇彈頭嘅真槍，槍口只係會有火，喺香港拍槍戰戲都安全嘅，唔會有蠱惑的槍(女友知唔知拍真槍戲？)又唔使同佢講，佢只係知我拍動作戲。」

開槍超爽 飾演恐怖份子頭目嘅黎澤恩少拍動作戲，今次仲有得開埋真槍，拍得超爽。

真槍上陣 以真槍上陣嘅馬國明全程有軍火專家傍實，每次持槍前都要做檢查。

詩詠爆最需要假期

有薪假期 唐詩詠指馬國明𠵱家最需要假期，馬明順勢要求公司畀有薪假期。

問到係咪好想快啲拍完《隱》劇有時間成家立室？馬明說：「梗唔係啦，我冇假放呀！因為緊接又要拍下個新劇《法言人》，大概要拍到明年3至4月呀！ (係咪公司臨時通知？)係近排接到通知嘅。」當問到是否訂製婚戒趕做明年5月新郎及與「靚湯」搬去將軍澳新居試婚等問題時，他即以埋位拍戲簡短回應：「傳聞啫！傳聞囉！有好消息我哋會講。」問唐詩詠想唔想快啲見到馬明「做老襯」？她大笑說：「我只係想佢今日快啲收工，我就可以快啲開工，其實佢都要嗱嗱聲拍完套戲先有時間(結婚)。」馬明即補充話緊接有新劇拍，唐詩詠笑住爆響口：「又唔一定要拍完套劇，都有好多方法嘅，𠵱家最重要係假期。」馬明附和自爆說：「係呀！畀個假期我會諗吓，不過𠵱家冇假期。(同公司爭取吓啦！)咁你幫我寫出嚟，叫公司畀個假期我，但要照出糧嘅(編按:藝人只計騷或包薪)，哈哈哈哈！」

有緣泥鯭 傳馬明和「靚湯」搬咗去將軍澳新居試婚，咁啱又撞正跟黃心穎男友泥鯭住同一個屋苑。

唔急嫁人 湯洛雯例牌否認婚訊，強調未準備結婚，唔心急嫁人。

覓得真愛 「安心事件」後，馬明跟黃心穎分手，其後覓得真愛「靚湯」。

關注一下過去24小時娛圈事Top 5熱話

湯洛雯37歲生日獲馬國明甜蜜慶生 手上巨型鑽戒勁搶鏡

昨天（5月6日）湯洛雯（靚湯）的37歲生日，今年是其榮升「馬太」的首個生日，老公馬國明非常識做，為老婆送上靚花同蛋糕。

▼詳情點擊圖片查看或按連結

連詩雅懷孕7個月飲珍珠奶茶惹爭議 臨盆在即吳日言力勸：要no sugar呀

連詩雅（Shiga）與陳家樂結婚1年造人成功，目前Shiga已懷胎7個月，身型纖瘦的她得天獨厚，至今仍是肥胎不肥身，獲網民盛讚是最弗大肚婆！昨日（6日），Shiga在IG貼飲珍珠奶茶相，寫道：「Cant stop drinking bubble tea too….Less sweet la…（無法停止喝珍珠奶茶，少甜啦）」Shiga又指懷孕後特別鍾意食甜：「懷孕後特別特別特別鍾意食甜，但係我明唔應該食咁多，間唔中少少啦！」

▼詳情點擊圖片查看或按連結

28歲抗癌勇士文頌男仍需接受11次電療 依然以笑迎戰癌魔

J2台主持文頌男（Koba）去年10月確診患上罕見癌症「尤文氏肉瘤」（Ewing’s Sarcoma），之後全面停工及積極接受治療，惟病情反覆，劇痛令他要跪住坐，而Koba日前公開籌募醫藥費，盼能減少痛楚。昨日（5月6日）Koba在一名男友人陪同下，現身新城廣播接受《QK玉瑛室》節目主持譚玉瑛、何基佑及麥皓兒訪問，戴上鴨舌帽及口罩的Koba撐住拐扙現身，他全程表現樂觀及笑容滿臉，以笑迎戰癌魔，堅強戰鬥力令人敬佩。

▼詳情點擊圖片查看或按連結

梁諾妍疏於泵奶致患乳腺炎又連日發高燒 如情況嚴重要用針抽膿或做手術

梁諾妍（Inez）與洪永城於2021年結婚，同年誕下大女「Sir Face」洪靖嵐（Amber），今年3月尾再誕細女「Sir Face 2.0」Beryl。梁諾妍平日不時在社交平台分享一家人的生活點滴，但自上周貼出「Sir Face 2.0」與老公洪永城童年的餅印相後就一直沒有更新IG，直到今日（5月9日）才在IG Story親解「失蹤」原因，指因為疏於泵奶，導致患乳腺炎，更連日發高燒要入院。

▼詳情點擊圖片查看或按連結

53歲洪欣遊馬爾代夫激罕晒水着 弗爆身材被網民勁讚

53歲洪欣曾經是一眾少男女神，近年主力在內地發展，參演綜藝及商演搵銀。日前（5月5日）洪欣在小紅書分享一段影片，透露到馬爾代夫度假，激罕大晒水着照，大晒事業線及美腿！

▼詳情點擊圖片查看或按連結