林正峰游嘉欣火星撞地 兩人堅稱冇可能發展

男方已有拍拖多年的女友。

林正峰與游嘉欣(游游)受TVB力捧，兩人經常合演情侶而傳出緋聞，不過，兩人堅稱絕對冇可能！林正峰竟然話滿腦子都係游游嘅缺點，尤其慳家到戥佢辛苦；游嘉欣爆兩人成日火星撞地球，最不滿成日被窒！語畢，爆笑林正峰忍不住說：「我想叫你英文名做A zero(A0)！」

TVB劇《青年心城之撐起青春》中兩人有牀戲。

劇中仲有嘴戲，林正峰投訴游游太激動及太大力。

啱啱播完嘅TVB劇《青年心城之撐起青春》由林正峰與游嘉欣擔正，劇中兩人有感情線，除咗嘴戲仲有牀戲，呢對嫰口配搭好有新鮮感，觀眾睇得相當投入，戲裏戲外都當正兩人係情侶關係。21歲的游游自爆係從未拍過拖嘅A0，不過，27歲的林正峰早已公開有個拍拖3年的女友Yuki，叫大家唔好諗多咗。

林正峰與游嘉欣做訪問瘋狂互窒。

林正峰取笑游游係A0。

林正峰解畫說：「我哋只係拍檔，私下最多可以講係好朋友同好拍檔！」點知游游唔多接受，反問：「好朋友？我考慮吓囉！其實我哋工作上聯絡多，私下冇乜交流。」林正峰話兩人愛情觀好唔同，游游說：「我哋意見不合㗎！成日喺工作上有好多爭執，但就冇隔夜仇。」

林正峰喺TVB台慶劇《星空下的仁醫》做實習醫生，跟鍾嘉欣打成一片。

21歲游嘉欣笑容甜美，青春迫人。

游游要搵熟男做男友，至於林正峰就話：「女友咪係我擇偶嘅package囉。」他又口多窒游嘉欣：「『千禧BB』一嚟就上到封面你話幾勁呀？我想叫你做A zero，第日你車牌可以考慮用A0！」游游唔多Like：「我想大家focus我個人唔係感情狀況！」林正峰卻繼續笑落去：「我focus喺老處女度，sorry.」他又指游嘉欣缺點多，優點係眼大、孝順、善良、顧家，就算開工到半夜都為咗慳家，等一小時一班嘅通宵巴士返家，睇見都戥佢辛苦。」游游讚林正峰夠gentleman，同樣係孝順之人。

林正峰讚女友Yuki係理想形女友。

林正峰高調喺IG晒同女友慶祝拍拖三周年，向女友大派定心丸。

林正峰和游嘉欣好有「火花」，兩人強調冇可能發展。

TVB全新綜藝節目登場，「新一季，綜藝魂，嚟料！」記者會綜藝大曬冷

江美儀、黎芷珊、宋宛穎、何沛珈、陳楨怡、林正峰與《中年好聲音2》學員、《聲夢2》學員等藝人現身將軍澳電視城舉行無綫「新一季，綜藝魂，嚟料！」記者會，當中介紹新綜藝節目包括《玩盡澳門無限Fun》、《Grand住去台北》、《吃貨橫掃深圳》、《Mayanne小喇叭》、《一網打盡2024》、《一個好人》、《早D知早D醫》、《芷珊約您》、《中年好聲音2登峯之戰》、《福祿壽訓練學院》等。

預告未來3個月的綜藝節目（本網記者攝）

預告未來3個月的綜藝節目（本網記者攝）

綜藝大曬冷（本網記者攝）

陳楨怡、林正峰及何沛珈（本網記者攝）

宋宛穎、何沛珈、魏韻芝的《早D知早D醫》（本網記者攝）

江美儀與林子善一齊合作主持的節目《一個好人》將會在3月18日登場，節目致力發展我們身邊的好人好事，美儀姐更「東張女神」上身，親自採訪為不同家庭做義工的熱心人。美儀姐透露在節目中她會親身去到寶藏屋進行清潔同滅蝨，還會下海執垃圾：「我一生人最怕就係老鼠，但點都要體驗吓，想知道幫人係點樣開始，節目對我嚟講係好大挑戰，真係上山下海乜都齊。」

江美儀（本網記者攝）

為拍攝《玩盡澳門無限Fun》何沛珈與陳楨怡、林正峰前往澳門拍攝，林正峰被嘲笑到澳門挑戰爬樓高88層的塔後到現在還是驚得面青青，他亦表示爬了兩個鐘感到非常後悔。郭珮文(Juliana)和陳懿德亦都有現身，並以《鬼滅之刃》造型示人但下半身卻身穿睡衣，她們解釋是因為仍在開廠，現在是空擋時間才會出來做宣傳。

陳楨怡、林正峰及何沛珈（本網記者攝）

郭珮文（本網記者攝）

皇牌節目《中年好聲音2》將於3月24日進行直播總決賽，一班學員將會集合拍攝《中年好聲音2紅白大戰》，並再一次登上比拼舞台！古淖汶亦透露現正積極備戰比賽及節目，顏米羔近期因為天氣驟變，會更加注重聲音同健康，譚輝智近日不幸病倒，但還好因為距離總決賽尚有一段日子，所以有充裕時間去休息。 聲夢家族將會合體炮製《聲夢1+2》亦都令人期待！

《聲夢1+2》（本網記者攝）

《中年好聲音2》（本網記者攝）