蔣怡囡囡好識食 腸粉多一兩澄麵都食得出

望落真係好好食咁～

都知道名模蔣怡煮嘢食好叻，有法國藍帶證書，喺香港又會到中華廚藝學院深造，好多繁複菜式都識整，連燒乳豬同北京填鴨都識，近月因為仔女鍾意食點心而學整燒賣同蝦餃等。

真係識燒乳豬㗎。

之前嘅考試作品。

對於整點心，久經訓練的蔣怡都覺得難，曾發表過以下言論，「自己一個人買材料，醃肉醃蝦，撈餡，開皮，包餃，蒸， 忙到一頭煙，就係為左（咗）兩個寶貝話鍾意媽媽整的蝦餃燒賣。」雖然係呻，但聽得出呻中有好多愛。

CoCo之前話整點心整到一頭煙。

尋日（11日），8歲大女翁容同蔣怡講，「媽媽你這次拉的腸粉比上次好吃喔！」蔣怡好驚訝，「果然是吃貨，那一兩澄麵的差別都吃得出來。」阿媽識煮女兒當然被訓練到好識食，個鮮蝦豬肉布拉腸粉非常之吸引，佢對仔女真幸福。

呢個愛心鮮蝦豬肉布拉腸粉，隔住張相都覺得好味。

身體健康最重要！

模特兒出身的蔣怡下嫁名珠寶設計師翁狄森後，便淡出娛樂圈，但不時仍在社交媒體分享烹飪心得。46歲的她仍保持著名模時期的激瘦狀態，早前她出片教煮餸時，有網民見到她瘦到見胸骨，都擔心她瘦到影響健康，希望她可以食多點，長多點肉。她今日（10月24日）發文，指自己進醫院了，相片中見她面色暗沉，戴上口罩，並有一條豹紋圍巾保暖，令人擔心。

早前煮食片已看到蔣怡激瘦。

早前已有網民希望蔣怡多吃、增點肥。

倦容讓大家擔心

數小時後，蔣怡又再更新，今次舉起V字手勢，叫大家不用擔心，更強調自己神智清晰，她寫「Don’t worry! I’m fine!神智清醒！好快可以出院。聽日繼續有翁家愛心飯盒」翁家即指她丈夫的家人。

蔣怡表示她好快可以出院