港鐵車廂發生毆鬥事件！網上流傳一段影片，兩名女子疑因其中一方講電話太大聲而大打出手，期間互相掌摑、拉扯及推撞，其後有幾名乘客勸阻及將雙方拉開，但二人仍有口角。
有另外兩名女乘客勸阻及上前將涉事女子拉開。影片截圖
根據網上影片，當中顯示兩名分別穿粉紅上衣及綠色外套的女子正在拉扯頭髮，粉衫女大力掌摑綠衫女，發生響聲，綠衫女就將粉衫女用力推撞至座位上，期間二人口罩鬆脫，不時大叫「放手呀，X你老X」。有男乘客嘗試勸阻指「唔好打啦」，但兩名涉事女子卻旁若無人繼續糾纏；良久，有另外兩名女乘客提議「拉開佢兩個」，並上前將二人分開，粉衫女疑心有不甘，續指「我話你講電話好大聲，我叫你細聲啲」，但「勸交」女乘客就制止「唔好再講喇」。
影片截圖
影片截圖
影片引起網上熱議，不少人都指其他乘客在「食花生」，遲遲未有上前勸阻兩名女子，「咁遲都無人幫手分開佢哋」、「各位男士醒目呀，千祈唔好插手，一陣俾人告非禮」、「側邊啲人好理智，等佢地打完先勸交，如果唔係就無野睇了」。亦有網民趁機指，在公眾場所大聲睇片或講電話的行為確實令人討厭，「其實喺公眾場所尤其搭車(無得走)講電話，睇片大聲係非常自私和缺德」、「有時睇片、打機、講電話太大聲的確係幾騷擾」。
兩名女子疑因其中一方講電話太大聲而大打出手，期間互相掌摑、拉扯及推撞。影片截圖
