娛圈事
紛紛留言表示不滿。
《全民造星IV》今晚播出第一輪最後一Round，導師許廷鏗（Alfred）與梁祖堯最終從復活區選出12位參賽者晉級，分別是Ashi、Yoyo、Candy、CK、Ｗinwin、Ariel、Gao、Ash、咖哩、Miko、方方及阿Ling。不過網民對於梁祖堯選擇方方同阿Ling非常不滿，指祖堯有私心選擇兩人。
網民覺得女團應該揀靚女。
網民覺得節目造馬。
因為梁祖堯與Ling在演藝學院參加活動時已相識，Ling在面試時已獲祖堯力撐，但因Ling已經39歲，而且更有4名仔女，網民鬧爆「女團最緊要青春活力，簡(揀)啲大媽入嚟做乜」、「古有error，現有elder」。而方方因參加過《造星III》，網民認為梁祖堯上季做客籍導師跟方方有交情而揀佢晉級，總之就唔公平咁話。
仲用elder形容未來女團。
導師梁祖堯揀阿Ling與方方入圍，令網民大鬧。
梁祖堯於大年初二去向King sir鍾景輝拜年，並在社交平台分享合照，可見86歲的King sir雖然已一頭白髮，但依然好精靈！
86歲的戲劇大師「King Sir」鍾景輝於2016年發現患上大腸癌，當時需即時入院接受微創手術，手術後無大礙，之後曾參演TVB劇集《牛下女高音》，但因健康問題缺席宣傳，及後就未有再現身，一直深居簡出。在大年初三（2月12日）梁祖堯在社交平台分享與King Sir的合照，可見他依然好精靈！
King Sir久未露面！
梁祖堯與湯駿業、劉錫賢及邵美君等人於大年初二去向King sir拜年，梁祖堯說：「今日仲去咗好耐冇見嘅King sir拜年！我問Momo一唔一齊去我老師個老師屋企拜年，佢竟然話去，完全估佢唔到^_^May 姐傅月美係我演藝1年級嘅acting 老師，而king sir就係她老師了。」相中可見，一頭白髮的King sir精神奕奕，向梁祖堯派利是時笑容滿面。
King sir難得激罕現身。
依然精神奕奕。
King sir向梁祖堯派利是時笑容滿面。
大合照
鍾景輝在演藝界地位德高望重，曾於香港演藝學院任教17年，同時更是TVB藝訓班的開山祖師，當年周潤發原先不被取錄入藝訓班，多得King sir獨具慧眼讓周潤發入學。King sir多年來亦參與了不少舞台劇的執導和演出，同時參與不少電視及電影製作，曾擔任亞視節目《尋找他鄉的故事》系列的旁白，獨特的聲綫令世界各地華人所知，亦令不少藝員爭相模仿；King sir於2001年退任演藝的院長後，重返TVB拍劇，但在2016年尾因患上大腸癌第一期而停工休養，康復後演出不多，因體力難支撐，拍完《牛下女高音》便退下火線，專心休養！
King Sir是TVB藝訓班的開山祖師。
曾為兩屆港姐擔任司儀。
參與了不少舞台劇的執導和演出。
亦參與過不少電視節目。
2018年拍完《牛下女高音》便退下火線，專心休養！
今次King sir難得激罕現身，隨引來不少網民留言，紛紛表示很掛念King Sir，「很久沒見kingsir在電視上演出，祝他身體健康，開心地生活」、「只是頭髮白咗，精神好好，同之前差唔多」、「個畫面有聲嘅，耳仔邊會聽到King Sir的旁白聲」、「King Sir好精神呀，以前就睇King Sir做戲，對演藝界真係貢獻良多，希望佢身壯力健，龍馬精神」、「King Sir!!! 好掛住佢呀！祝福King Sir、祖祖及大家新年快樂，身體健康，事事順利呀」。
