遭陳山聰囝囝冷待 胡定欣：點解你會咁對我

唱埋小朋友最鍾意嘅歌，Jaco都係冇反應

胡定欣日前為陳山聰太太Apple慶祝生日，原來當晚仲有一件事令定欣頗為難堪，而山聰噚日（20日）喺IG就貼出一載約1分鐘長嘅短片，將令定欣難堪嘅事件曝光。

定欣同單立文一齊為Apple慶祝生日。

片中見定欣好落力氹山聰囝囝Jaco開心，抱住對方，情深款款獻唱係小朋友都鍾意嘅洗腦歌《Baby Shark》改編版，「Jaco Shark do do do,Jaco Shark do do do...」但Jaco完全冇畀反應，只係低下頭，之後定欣再出擊，教唱生日歌畀媽咪聽，Jaco個樣似乎愈來愈驚。

最後定欣都忍唔住，用好溫柔嘅語氣問Jaco小朋友：「你可唔可以話畀大家知，點解你會咁對我，你愛我嘅係咪，你愛過我嘅，kiss kiss，親親。」唔講都任你抱，講完Jaco就伸手兼嗌「媽咪」話要走。

山聰另一番解讀係：「大佬從來只會對住一個人咁深情。」 

定欣不停唱歌，Jaco個樣超驚。

視線唔敢望定欣。

最後決定逃離現場。

山聰就有另一番解說：「大佬從來只會對住一個人咁深情，我真係好想知你哋前世係咩關係，點解今世會係咁 @nwuuu @jaco_chan_aj #情深說話未曾講 #相愛很難 #前世 #大佬嘅眼神 #依段戲做足功課 #jaco #愛的表現 #胡小姐乜又係妳呀。」被冷待嘅定欣死撐到底：「因為冇其他人好似我咁對佢！你，好自為之！」好姊妹姚子羚忍唔住留言：「Jaco話呢位阿嬋你唱完未呀！」，陳敏之亦話：「Jaco心諗補返D唇膏嚟見我。」十分搞笑。

Jaco對住胡定欣完全係零反應。

二人以性感晚裝示人，令人眼前一亮。

胡定欣及蔡潔等早前現身澳門，出席《第四屆新時代國際電視節》擔任頒獎嘉賓。隆重其事盛裝登埸，二人以性感晚裝示人，令人眼前一亮。定欣以一襲棗紅色大露背貼身裙亮相，大騷白滑玉背盡顯fit爆身形。而一向纖瘦的Jacky，則以一身祼色的透視長裙出席，若隱若現，完美展現出女性美。Jacky亦透露將於書展再度出書，推出第一本漫畫作品，並以禁忌之戀為題材。

出席《第四屆新時代國際電視節》擔任頒獎嘉賓。

定欣以一襲棗紅色大露背貼身裙亮相，大騷白滑玉背盡顯fit爆身形。

Jacky亦透露將於書展再度出書，推出第一本漫畫作品，並以禁忌之戀為題材

一向喜歡創作的Jacky 今次已經是第三次出書，過去曾推出散文作品，今次則會出人生第一本漫畫書，想給大家一個不一樣的Jacky。被問到漫畫籌備情況，Jacky透露現時籌備得如火如荼，道出：「其實自己之前一路無諗過要推出漫畫，但上年年尾「叮」一聲！漫畫可以好天馬行空，好新鮮。我一諗到就即刻好俾心機去做！」，以禁忌之戀為題材，帶出殘酷青春故事，Jacky自己亦十分期待完成作品，給書迷驚喜。同步地，Jacky除了作幕前演出之外，亦有編寫劇本，希望有日可拍成電影。而同場的定欣，演技一向備受肯，以歌唱比賽出身的定欣，原來過去四年一直進修歌藝，希望可以進軍歌壇，擁有自己的歌曲作品，望有日以歌手身份示人。

一向喜歡創作的Jacky 今次已經是第三次出書

Jacky透露現時籌備得如火如荼

同場的定欣，演技一向備受肯

以歌唱比賽出身的定欣，望有日以歌手身份示人。