有眼利網民發現君好一晚「換咗好多頂帽」。
之前有份監製無綫熱播劇《逆天奇案》的陳志江、其監製台慶劇《十月初五的月光》逢周一至周五晚八點半翡翠台播出,主要演員包括何依婷、胡鴻鈞、羅天宇、米雪、石修、姚嘉妮、郭子豪、蔚雨芯、林穎彤、林偉、海俊傑、康華以及鄺潔楹等。
自播出後引發不少熱話的《十月初五》,最新話題落在祝君好(何依婷飾)身上,有眼利網民發現君好一晚「換咗好多頂帽」,並詢問「佢到底有幾多頂帽?」就網民疑問翻看前晚播出的第7集,發現君好在該集共有足足9個造型,其中6個造型有戴帽,當中5頂帽不單止不同顏色、就連質地亦有微差別,足見細節位相當用心。
就相關話題查詢監製陳志江,他笑謂:「哈哈!咁都畀你哋發現?我哋為咗令君好望落韓風啲同埋似文青啲,服指嗰邊專登幫佢設計咗好多造型,所有衫褲鞋襪好多都係我哋自己造架。(咁到底有幾多頂帽?)總共有5頂唔同顏色嘅帽,我哋台前幕後都覺得啲冷衫同帽好靚架。」
除了造型別具特色,依婷在劇中還有另一驚喜位,就是劇中展示的靚靚畫作,有五幅是出自依婷手筆!不過依婷拍攝《十月初五》之前在畫畫方面是「零基礎」,這次是為了君好這個角色專誠上堂學畫畫,相當有心,依婷謂:「因為君好鍾意畫畫吖嘛,所以我就專登去學。今次我仲依照劇組要求學咗塑膠彩畫,仲覺得好好玩添!」依婷透露現時五幅畫作均收藏在家中作為留念,並謂五幅畫作會在不同場口逐一與大家見面。看來各位《十月初五》迷以後煲劇又多個「尋找依婷真跡」的特別任務了!