曾減肥過度搞到患厭食症 魏浚笙最愛打拳爆汗

為咗身體，最後Jeffrey都係選擇做運動keep fit。

因為要拍ViuTv劇《i.SWIM》，魏浚笙（Jeffrey）要脫胸毛兼無間斷着泳褲半裸上陣，為晒麒麟臂兼露腹肌開鏡前瘋狂健身。23歲，身高177cm嘅Jeffrey的一身肌肉得來不易，事關佢同姜濤一樣由細到大都係肥仔，同樣最高峰時Over 200磅，為保小鋼條身形要Keep住做運動。

魏浚笙由昔日「肥波」變大隻仔，呢對麒麟臂得來不易。

日前Jeffrey就去拳館跟泰國師傅練拳，見佢拉完筋就上擂台係咁出拳同踢腿，招招有力打到啪啪聲，用背心衫尾抹汗時仲唔覺意晒出6嚿朱古力腹肌。原來他中學時曾學過兩年泰拳，覺得減肥唔使咁悶之外，最重要打拳擊好有型。

魏浚笙上擂台瘋狂出拳及踢腿，打到啪啪聲好投入。

Jeffrey打到爆晒汗，抹汗時6嚿朱古力腹肌瞬間露出。

Jeffrey同姜濤一樣是少年「肥波」，同樣有減肥血淚史：「中六時同女朋友Evelyn一齊變『幸福肥』，我哋成日食宵夜，直至去咗model公司casting，啲人就奇怪咁問『呢個人咁肥都上嚟？』唉！心諗『係咪真係咁差呢？點解唔做好啲自己先去呢？自己都未ready，唔怪得人哋去批評你！』」

肥仔最愛食，童年Jeffrey望住蛋糕流口水。

小學階段嘅Jeffrey係肥仔嘜，肚腩一截截好肉感。

為咗極速搣走脂肪，Jeffrey用咗個極端方法，「早上係咁飲齋啡，一日食得一餐，喺短短3個幾月內激減60磅，但就搞壞咗身子變咗厭食症、頭痛兼流鼻血，最後都係做運動，同埋配合高蛋白質食物，我會食黑椒雞扒同埋切粒椰菜花加三文魚。（有冇同姜濤一齊研究吓？）佢係我前輩，見到面會say Hi，我反而有同Edan（呂爵安）交流，知道佢都係食雞扒Keep Fit。」

大學時期經歷過地獄式減肥，身形瘦晒。

𠵱家Jeffrey操出引死人腹肌，不過佢都仲係唔滿意：「我最鍾意The Rock嘅筋肉人身形，真心好厲害。𠵱家我只係得6嚿腹肌，可能我天生肥底最下兩塊唔夠突出，喺《i.SWIM》入面邱士縉（Stanley）嘅肌肉最齊同埋最完整，線條好靚。」Jeffrey表示拍攝期間有盡操，唔想出嚟效果唔好而後悔。講到要剃埋胸毛，Jeffrey笑言，「我都唔知點解咁茂盛，劇組話中學生唔會有咁多體毛。」

魏浚笙想變The Rock嘅爆肌身材。

Jeffrey拍《i.SWIM》要剃毛演出，其實身形都好正吖。

大讚Stanley嘅8塊肌肉最完整最靚。

由《調教你男友》入行年多，Jeffrey稱最大改變係做多咗運動，賺多咗錢反而唔係重點：「我同女朋友唔揮霍，又唔識投資，可能儲起嚟做老婆本，我哋有個聯名戶口，（佢掌握你財政？）大家有商有量，我都好少買嘢，佢見我買嘢會好開心。」

魏浚笙同女友感情穩定，仲有埋銀行聯名戶口。

明年Jeffrey嘅目標係學唱歌、演戲及考車牌：「作為新人好多方面都想試吓，如做打星。」而他於《膠戰S2》中經常被取笑，最近又笑他「煨Sir自創成語『看不順眼』」，對此，他直認成日「跳掣」諗錯方向，好彩有Edan及岑珈其照顧：「人總有缺憾，我係蠢嘅代表，但唔係藉口，所以要比其他人更加努力。」

同「6膠」比較，魏浚笙領悟力較低自認係蠢嘅代表。

最近魏浚笙喺《膠戰S2》又爆出「煨Sir自創成語『看不順眼』」，好搞笑。

Jeffrey邀得曾合作《飯戲攻心2》的「金馬影帝」謝君豪及「大馬女神」林明禎重磅演出MV，經理人女友Evelyn更首次擔任導演。

去年橫掃樂壇新人獎的獨立歌手魏浚笙（Jeffrey），相隔5個月，終於趁今天（4月23日）26歲生日的大日子，強勢推出2024年首支派台單曲《傢俬》，既是自己的生日禮物，亦是回饋一眾「咖啡豆」支持的誠意之作。《傢俬》繼續找來合作無間的黃偉文（Wyman）填詞、徐浩作曲及監製，以傢俬比喻相戀多年的愛侶，因為時光流逝而遺忘了初心，令以往轟烈的愛情變得索然無味，誠如歌詞所說：「時時在面前，你怎麼會懷念。一生最愛，何時起不足掛齒。」直至最終失去了，才發現回頭太難，後悔以往不懂得珍惜眼前人，悲傷的旋律在結他與鋼琴襯托下更顯寂寥，配上Wymam的虐心歌詞，以及Jeffrey既磁性又具感染力的歌聲，聽罷不禁眼框泛淚。

魏浚笙（Jeffrey）推出新歌《傢俬》。

Jeffrey邀得曾合作《飯戲攻心2》的「金馬影帝」謝君豪及「大馬女神」林明禎重磅演出MV。

被Wyman細膩歌詞觸動哽咽
Jeffrey說：「今次新歌《傢俬》的主題看似只是講愛情，但其實家人、朋友、兄弟姐妹也一樣，總有些人是每天在你身邊打轉，例如父母、好友及另一半，你以為他們會永遠陪伴在側，因而不懂珍惜，等到失去了才後悔以往沒有對他們好一點。那種對失去的後悔會困住自己一生，卻回不去了，只能在懊悔的旋渦中追憶。正如現在的年青人看到東西破損後，多數會選擇直接扔掉，繼而尋找代替品；但年長一輩卻會嘗試修補，因為只有『珍惜』才能將物品的價值發揮到極致。珍惜眼前人，說易行難，當我們由男孩變成男人的時候，才學懂這個道理，已經為時已晚、回頭太難。」他續說：「由於《傢俬》這首歌內容相當沉重，希望今次能夠成功演繹這種淡然的憂傷，眼淚在心裡流的感覺，所以入錄音室之前反覆思考如何投入情緒，更一度感觸哽咽，最希望是感動自己之餘，也能感動大家，讓大家看到我的另一面。」

相關影片可以按以下畫面觀看：

影片連結：https://youtu.be/RrY00cCgD1g?si=NKqqbyLc9iuyJdIw>

經理人女友Evelyn更首次擔任MV導演。

Jeffrey與明禎在MV中飾演一對戀人。

君豪哥一秒情緒轉換震懾全場
為了人歌合一，將《傢俬》中描述的境界完美呈現在觀眾眼前，Jeffrey邀得曾合作《飯戲攻心2》的「金馬影帝」謝君豪及「大馬女神」林明禎重磅演出MV，共譜寫實的虐心故事，經理人Evelyn更首次擔任導演，合力送大禮祝賀Jeffrey生日！Jeffrey與林明禎在MV中飾演一對戀人，剛開始同居時過著幸福甜蜜的二人世界，一起刷牙，一起彈琴，一起向邁向有對方的將來；然而生活的壓力、時光的流逝、遺忘的初心，卻令戀愛的熱度降溫，最終因為Jeffrey忘記拍拖6周年的大日子，觸發二人激烈爭吵，Jeffrey一怒之下更摔破當初一起購買的黑色椅子，明禎則獨自垂淚，二人層次豐富的演出，引領觀眾見證一段感情的「自然死亡」。鏡頭一轉，飾演成熟版Jeffrey的君豪哥，神情落寞地獨自吃飯，期間憶起那些年與明禎共進晚餐的溫馨時刻，甚至出現幻覺，入夢的幸福笑容與夢醒的失落，在影帝君豪哥的神級演繹下，心痛的感覺更是難以言喻。最後君豪哥於修理曾經扔掉的黑色椅子時，睹物思人，腦海中浮現出無數與明禎拍拖時的幸福時光，輕輕呷一口咖啡，懊悔年少輕狂的自己與最愛失諸交臂，就算尋回被扔掉的椅子，卻修補不了已破碎的人心，令人不勝唏噓！

新歌寄語珍惜眼前人！

跟君豪哥飾演成熟版Jeffrey。

一個精品MV滿足明禎兩個願望
Jeffrey說：「為了趕在生日正日推出2024年頭炮歌曲，只有幾天的時間準備，幸好君豪哥與明禎爽快答應出演，才能成就MV趕得及面世，最感謝大家願意相信首次擔任導演的經理人，不但情義相挺，更交出好戲連場，一切在心中！其實我私下跟君豪哥亦師亦友，能夠邀得影帝飾演成熟版的自己，與有榮焉，但正正因為這樣，我們反而沒有對手戲，相當可惜呢！不過能夠再次見識到君豪哥的演技，那個幸福與清醒的一秒情緒轉換，令現場人士拍案叫絕，絕對是賺凸了！」至於明禎的大力支持，同樣令Jeffrey感動不已，他說：「因為明禎經常到處飛，能夠碰巧夾到檔期已是幸運，最興奮是能夠跟她拍攝情侶吵架的場口，明禎也相當期待這一場，加上她跟君豪哥有一場對手戲，所以明禎讚我一次過滿足了她的兩個願望呢！」除了MV獲影帝及女神加持外，Wyman亦繼續為Jeffrey 踏入當歌手的第二年護航，他在社交網站寫道：「佢幼稚園升一年班，我繼續湊返學放學。」網民即打趣留言：「唔係中二咩？」Jeffrey亦親自回覆說：「直至長大成老人！」可見二人友誼深厚。

既然新歌以「傢俬」為名，MV的「主角」除了三位俊男美女外，黑色椅子同樣貫穿整個故事，見證著男女主角由起初共賦同居的甜蜜生活，及至後來漸生嫌隙的激烈爭吵，雖然因Jeffrey一時衝動而摔破，卻是他心目中永遠珍惜的一張椅子，不但親自修補破碎之處，直至兩鬢斑白仍然留在其家中，象徵著一段欲斷難斷的感情，勾起天下有情人的共鳴。

除了MV獲影帝及女神加持外，Wyman亦繼續為Jeffrey踏入當歌手的第二年護航。