收A1組「狼人殺」咭 陳詠燊：個孫第時買樓靠佢

晒命！

《全民造星IV》的40強到30強的晉級賽最後一Round，由A1組對B2組，其中A1組有大熱人馬Marf、So Ching、CK及Win Win，佢哋以「狼人殺」為主題的跳唱項目《天黑請閉眼》出戰，好有心思地每位評判派送一張狼人殺卡牌。睇完表演連冇玩開狼人殺的導演陳詠燊（Sunny）都大讚：「你大鑊嘞，我唔識玩，但我竟然都覺得幾好睇。」

A1組表現有創意好精彩。

Marf、Win Win、CK、So Ching。

收到平民卡嘅陳詠燊出Po表示，「唔知過咗琴晚之後，呢份嘢而家值幾多錢呢？」之後仲無限Hashtag晒命。

評判大讚。

#評判的優勢

#好似得五個評判有

#睇片好似導師都有

#之後就絕版了

Sunny拎到平民卡，內藏A1組親筆簽名相。

#全手工

#仲有親筆簽名

#梗係唔會賣

#因為佢哋一定會繼續紅

#到時就發達

Sunny話張咭點都唔會賣喎。

#珍藏咗先

#個孫第時買樓靠佢

《導演．門2》第一集首先邀請到爾冬陞導演及簡君晉導演擔任嘉賓。

ViuTV訪談節目《導演．門2》強勢回歸，節目逢星期日，晚上10時30分播放。第二季由電影《飯戲攻心》系列導演陳詠燊，夥拍短片導演兼演員盧鎮業（小野）、《金都》及《填詞L》導演黃綺琳、《犯罪現場》導演馮志強及《救殭清道夫》導演甄栢榮等擔任主持，每集邀請一位資深導演及一位後浪導演擔任嘉賓，繼續從香港電影核心的內圍 ──導演這個崗位開始，與大家一齊投入香港電影的世界，一齊撐起香港電影！

《導演 • 門2》強勢回歸

主持盧鎮業

主持陳詠燊及嘉賓簡君晉

節目將於今個星期日晚（4月21日）隆重首播，首集邀請到爾冬陞導演及簡君晉導演擔任嘉賓，一同接受主持陳詠燊和盧鎮業的訪問。第二季節目到處出走，首集就到訪爾冬陞導演的辦公室，帶同觀眾一窺香港電影歷史的一部分。

嘉賓爾冬陞及簡君晉

嘉賓簡君晉

兩代導演大談電影的社會角色，並分享寫實選材對創作的影響。當中由演員轉型做幕後的爾冬陞導演，不單止剖白當時的心路歷程，身兼編劇一職的他，亦分享自己對劇本創作的執著和嚴謹。至於電影教學環節，爾冬陞導演特地選取得獎作品《海的盡頭是草原》的片段，親自拆解拍攝真狼的所需功夫和技巧。

嘉賓爾冬陞

當中主持問到爾冬陞導演，試推介一位男演員給新一代演員學習。爾冬陞導演答：「我合作過嘅演員，我認為偉仔最好，梁朝偉。佢係我識嘅朋友入邊，咁多年基本上冇變過，佢有童真喺裏面，冇變過。佢同我拍《癲佬正傳》嘅年代，係同一個人嚟㗎。而節目另一環節中，冷知識主持麥詠楠（Buber）則透過生動有趣的講解，協助觀眾更深入了解爾冬陞導演。

爾冬陞指在他合作過的演員中梁朝偉是最好的，亦是他認識的朋友中，多年來基本上冇變過。