張天賦視Edan為新人獎勁敵 專心做歌拒刻意拉票

今年MC嘅《反對無效》及《記憶棉》都相當紅。

張天賦（MC）、陳凱詠（Jace）、魏浚笙（Jeffrey）、倪晨曦，以及《全民造星IV》參賽者鍾卓穎（Ash）等，今日在尖沙咀出席活動。MC是今年樂壇男新人大熱之一，對於有報道指歌迷不滿商台打壓MC新歌而力捧呂爵安（Edan），MC表示有留意報道，坦言歌曲沒上榜感失望，但不知道發生甚麼事，會繼續做好自己。

大批MC粉絲到現場撐偶像。

問是否視Edan為勁敵？他直說：「一定係，最近佢有幾首歌我都好鍾意，佢嘅fans好強大，新人獎係一個大對手。（自己可有信心？）信心一定有，keep住做好自己要做嘅事，為新歌同新碟準備。」談到歌曲《記憶棉》打入「叱咤樂壇我最喜愛的歌曲」15強，MC說好開心，感謝大家和歌迷投票支持。會否積極拉票？他稱自己甚少做拉票行動，覺得若真的喜歡他音樂的話，也不須靠拉票，做的時候努力已是拉票的行為，當然也希望可得獎。

MC開心《記憶棉》能打入「最喜愛的歌曲」15強。

另外，近日公司安排他密密接工作，MC表示也要注重作息時間，保持身體健康，自言時間管理較差，工作後又會彈下吉他和打機，影響休息。問到單身的他是否一個人過聖誕？他說是，不過聖誕工作很忙也開心。

倪晨曦

MC自覺時間管理好差。

MC與Edan皆為新人獎大熱。

MC張天賦透露籌備新碟時期，以為自己失聲、不能再唱歌，心情受好大影響，繼而選擇的曲風都比較沉重。

MC張天賦今日（3月12日）推出第三張個人大碟《TREBLE》。早前忙於拍攝電影的MC也不忘錄製新專輯保持一年一碟紀錄，他解釋新碟慨念說：「新碟《TREBLE》多數都喺圍繞一些我會形容為顏色比較沉重嘅主題或歌曲出發，因為籌備新碟時期以為自己失聲、不能再唱歌嘅時候，心情受好大影響繼而選擇的曲風都比較沉重。」一向輕鬆拿捏各種曲風的他亦有在新碟裡作出新嘗試，MC ：「今次新碟入面有收錄其中一隻我同我朋友一齊合作、較為Hit pop嘅國語歌，同是亦是收錄喺新碟裡嘅一首國語歌。」

MC張天賦推出第三張個人大碟《TREBLE》。

《TREBLE》專輯封面

新碟設計上設計師特地為了這張專輯，按MC的面型設計了專屬面具，而這款面具除了在專輯造型中亮相外，更成為每張專輯封面的一部分。MC說：「造型方面喺公司嘅功勞啦,因為當初我話呢隻碟喺陰暗啲、沉色啲嘅方向架啦，於是佢地就用咗「面具」去表達唔同人唔同嘅情緒。而家呢個造型喺我都幾鐘意，因為好少可會畫到咁深嘅眼影同個嘴唇咁黑，但係！嗰幾條頭髮喺非常拮眼，哈哈」

籌備新碟時期以為自己失聲！

早前忙於拍攝電影的MC，也不忘錄製新專輯保持一年一碟紀錄。

MC想到加拿大開演唱會。

問到MC今年的目標還有音樂及電影以外還有沒有想嘗試的東西?MC說今年的目標和往年一樣：「今年嘅目標亦都係年年嘅目標，就係減肥同操肌！！我好希望今年如果有演唱會嘅話，我好希望自己有得揀除唔除衫，除就未必一定會除哂，但起碼有得揀先哈哈（現在有成果嗎?）而家係無住嘅。。。但係我都Keep咗（去做Gym）2-3個星期架啦。」至於事業他說暫時會專注於歌手及演員這兩個範疇，MC更說：「音樂方面我開始咗第一首完全喺自己作曲嘅歌曲，其實喺有幾首架，不過有一首就嚟推出，同埋今次為專輯或歌曲的前期準備都比之前多，所以希望大家拭目以待！

用面具表達不同情緒。

喑黑風格因遇低潮。

上一年MC首個紅館演唱會《This is MC》伸延至澳門最後回歸初心之地（文化中心），如果下次再開演唱會希望在哪裡舉行？MC想了又想說道：「去邊度開演唱會其實真係冇乜所謂，但係自己私心係想去加拿大開演唱會，因為自己畢竟係嗰度讀書，如果可以係嗰邊（開演唱會）都會好開心。」

希望除唔除衫有得揀！