肥媽童心未泯 玩到扭計揼地又扁嘴

肥媽玩得好投入！

《思家大戰》將於今晚（12日）播出第十四集，今集參與遊戲的嘉賓有肥媽率領的「巨肺隊」及無綫專業配音員組成的「Dub Dub地」隊。「巨肺隊」成員有陸浩明（六號）、李麗霞（黑妹姐）、蘇姍及徐文浩（Fred）。

巨肺隊好識搞氣氛。

肥媽介紹Fred時，竟大爆對方是「七號」：「六號成日話想要個細佬吖嘛，咁Fred唔介意咪做咗七號咯。七仔幾好吖，周街都係！」肥媽又在主持思捷要求下孖好姊妹黑妹姐及蘇姍大唱另類「三重唱」，期間更抵死地要求思捷「打賞」。

估唔到Fred（右一）原來係「七號」。

左起：肥媽孖黑妹姐及蘇姍大唱「另類三重唱」。

肥媽一聲令下後，思捷都好識做咁「打賞」三人。

為了以整齊隊形撐思捷場，肥媽花了足足兩個月時間訂造隊服。雖然與思捷老友鬼鬼，但玩遊戲玩到興起的肥媽，多番向思捷「撒野」兼「撒嬌」，可惜思捷依然「冇情講」，氣得肥媽扭計揼地兼扁嘴，娛樂性十足。

肥媽為咗錄影《思家大戰》，專誠打造咗呢一身嘅隊服。

肥媽玩到有幾投入，有圖有真相啦。

肥媽有時都會玩到嬲嬲豬，仲會話思捷「好衰」。

肥媽玩到扁晒嘴。

「巨肺」隊成晚都好搶吓！

至於「Dub Dub地」隊，則由隊長胖虎（黃啟昌）率領隊員戴翅偉（袁淑珍）、花師奶（雷碧娜）、花輪同學（梁偉德）及多啦A夢（黃昕瑜）現身，五人難得出席綜藝節目，並大方地經典角色上身向現場及家庭觀眾問好，氣氛熱鬧。

「Dub Dub地」隊：隊長胖虎（黃啟昌）及隊員戴翅偉（袁淑珍）

（右起）花師奶（雷碧娜）、花輪同學（梁偉德）、多啦A夢（黃昕瑜）

「Dub Dub地」隊其實都好玩得。

今晚播出一集的問題相當貼題兼抵死，分別有「講一個煮嘢食好叻嘅藝人」、「打麻雀最乞人憎嘅行為」及「男人邊個身體位置最污糟」等。而每集均盡力增加記憶點的思捷，今集將大拋押韻金句，包括「答中嘅話屬於你全家，答錯嘅話彈番畀肥媽」。

呢招聰明。

肥媽（Maria Cordero）向來廚藝了得，曾拍攝不少飲食節目教人煮食，但原來她對收納大法亦很有心得。近日，肥媽在小紅書拍了一條片，公開屋企雪櫃收藏嘅物品及教大家收納法。

肥媽平日愛下廚

大家都想知愛下廚的肥媽到底會有甚麼必備食材收在雪櫃呢﹖她就以「肥媽冰箱大揭密！」為題發帖，寫道：「今天來為大家揭秘一下我的冰箱裡都有些什麼，最後還有我壓箱底的收納小技巧！」

大家想知肥媽雪櫃放甚麼嗎？

從影片可見，肥媽家中是雙門雪櫃，比一般人還要高。她先打開右邊雪櫃門，上排第一格放置了藥水、蜜糖、柚子蜜、玉子豆腐、花生醬等等，第二格放了一盒盒的隔夜餸、牛油、果醬，下面其他間格只放了印度薄餅、椰子水，一些蔬菜、薯仔和水果，雪櫃則邊的間格則放了蕃茄、檸檬、瑤柱和牛奶等等，而雞蛋卻放在雪櫃頂部。

看起來相當整齊

這一邊都放常用食材

而左邊門才是戲肉，她收藏了至少6樽大閘蟹的蟹粉，兩大盒的冬蟲草、螺頭及一些煲湯的配料。此時，肥媽揭曉她的收納秘訣，就是一個迷你雪櫃，肥媽說：「我教大家這裡放甚麼，這些醬汁應該要有個小雪櫃，只是用來放醬汁、蠔油，辣椒醬之類，辣椒醬不放雪櫃會發霉。」

蟹粉呀

煲湯料是必備的

網民都恍然大悟，認同平日雪櫃就是放滿醬汁，沒有空間放其他東西。有網民讚她的方法很好，「很優秀的想法」、「管理高手」。

另有一個小雪櫃放醬汁