好在老公最後好返。
藝人梁芷珮（Christy）同老公夫妻檔於六十日內遊均七個國家拍攝旅遊節目《潮什麼》，最近終於返香港，兩人正於酒店隔離21日。不過去到第十三日隔離，老公卻出意外，他於拉筋時不慎拉傷右腳，事關他的右腳曾動手術以致比較容易受傷。
IG圖片
Christy更講笑指老公是「玻璃腳先生」，同時她於社交網向網友求救：呢位玻璃腳先生琴（尋）日自己拉筋都整親，呢隻右腳佢之前做過手術，之後成日都好容易受傷，每一次個感覺都好似關節移位咁，去物理治療師到就可以好容易『啪』返啱位，但而家隔離又睇唔到物理治療，請問有冇啲乜嘢治療可以自己做到？佢唔痛，但腳伸唔直，行唔到。」
IG圖片
有網友提議Christy報警救助，不過她就指老公的右腳不能伸直以及行路，但並不會痛，因此不想入院添麻煩。她更嘗試為老公按摩推拿，希望可以緩解狀況：「琴（尋）晚大仔已經帶咗消炎藥過嚟，雖然老公今日隻腳未有好轉，但亦冇變差，所以為免麻煩都應該唔會入醫院了，等埋星期六出嚟先直接去搵物理治療師。琴（尋）日我全日幫佢手鬆下隻腳，等佢自己試吓『啪』返啱位，而家佢隻腳仍然係未伸得值，仲係行唔到。所以呢幾日，相信都要靠佢自己希望啪返啱位了。」
IG圖片
幸好，去到隔離第十七日，她高興地表示老公服用消炎藥和敷中藥貼後，終於可以行路，她更感謝各網友幫手：「老公食咗消炎藥同埋中藥貼後，隻腳已經好返好多，行到了！再次多謝你地各位嘅PM! 中醫師，物理治療師，瑜伽導師，連救護隊都有問我有需唔需要幫手！feel到大家嘅愛呀！」
IG圖片
