隔住玻璃營造假濕身效果 葉巧琳新專輯好多靚相

葉巧琳透露聖誕節有音樂騷演出。

葉巧琳（Mischa）今日現身電台為新專輯《NEVER TOO LATE, MY PATH Mi WAY》宣傳，她笑言新專輯好似一本雜誌，當中有過去3年的歌曲，亦有不少靚相，其中有造假的濕身效果，本身並沒有濕身，只是前面有塊玻璃而營造出濕身感覺，以連貫過往用水作主題的歌曲《水舞間》及《一對一》等；由師兄林奕匡作曲、黃偉文填詞的新歌《難道我還未夠難》是重點歌曲。談到在樂壇頒獎禮可有信心獲獎，Mischa說：「我從來都唔諗，都入行九年啦！只要有人聽到首歌就ok，依家首歌推出後反應幾好，都有粉絲話鍾意。」

葉巧琳（左）與DJ黎莉

葉巧琳透露聖誕節有音樂騷演出。

Mischa透露聖誕節有音樂騷演出，稍後亦忙於排練，又承認今年達成好多願望，當中演出音樂劇、配音及推出新專輯等，而且有份演出以交通意外題材的微電影。她說：「之前拍攝開咗三晚通宵，呢個新嘗試幾好玩，其實三日都幾辛苦。我諗如果拍戲一、兩個月時間都會咁，都戥佢哋幾辛苦。」

新專輯中有連貫過往用水作主題的歌曲。

隔住玻璃，其實沒有濕身，帶點誘惑。

葉巧琳

雖然門票未正式公開發售，但大會呢日宣佈預售門票爆滿，更即場宣佈加場喜訊。

由黃劍文、葉巧琳主演的舞台劇《為你鍾情》日前舉行記者會，雖然門票未正式公開發售，但大會呢日宣佈預售門票爆滿，更即場宣佈加場喜訊。該劇以紀念哥哥張國榮為題，由歌曲引發一連串故事，而兩位主角亦要演繹一系列張國榮金曲，黃劍文就話又演又唱極大挑戰，擔心會被觀眾「柴台」：「因為哥哥永遠都係經典，所以翻唱佢啲歌已經好有挑戰性，仲要一邊做戲一邊唱，唯有做好自己。今次我做第二代嘅『哥迷』，所以唱腔都唔會刻意模仿哥哥，希望有不一樣嘅感覺帶比大家。」講到近期樂壇前輩甄妮對《中年好聲音2》給予意見，劍文就話冇留意報道嘅內容，仲話俾飛兩位前輩嚟睇騷開心吓。

黃劍文、葉巧琳主演的舞台劇《為你鍾情》日前舉行記者會

兩位主角亦要演繹一系列張國榮金曲

黃劍文就話又演又唱極大挑戰，擔心會被觀眾「柴台」

而女主角葉巧琳就話自細喺「哥迷」：「我自細都係歌迷，電影《金枝玉葉》啲經典對白入晒腦，今次舞台劇已經比另一半落咗閘唔可以有親熱戲，不過劇本都冇話要嘅。我另一半係哥哥嘅歌迷，所以屋企練歌唔怕嘈到佢。」今次舞台劇由Johnny Yim擔任音樂總監，更邀請周耀輝製作主題曲，葉巧琳就話兩位大師平時要求都非常高，呢日二人即席唱出舞台劇主題曲。

女主角葉巧琳就話自細喺「哥迷」