有過半數網民希望初哥哥與君好修成正果。
台慶劇《十月初五的月光》還有三集就大結局,網民暫時最關心的是文初(胡鴻鈞飾)感情去向。網民指舊版的初哥哥太可憐,希望新版能為其「平反」,有過半數網民希望初哥哥與君好(何依婷飾)修成正果,亦有人認為新版結局會與舊版一樣君好配禮信(羅天宇飾),故認為劇組應早已為文初安排好另一半,有人認為是事先張揚會客串、但遲遲未見現身的劉佩玥,亦有人覺得黃嘉雯飾演的護士「有可疑」。
而前晚(13日)君好與文初橋上相擁,唔少網民大喊感動:「依婷喊戲真係好感動,好想攬住佢叫佢唔好喊」、「初哥哥同君好雖然只係輕輕一攬,但我真係喊咗,佢哋好有火花」、「次次最尾就好感人」、「劇情舖排得好」、「呢幾集用晒啲紙巾」。
另外,飾演海景叔(石修飾)兒子古東的朱匯林,與古東嫂的趙璧渝,因演出夠晒衰格引來網絡連番熱話:「全古東乞人憎過舊版」、「古東兩公婆真冇禮貌」、「畀我係海景叔我都大巴摑埋去」!對於新版劇情,網民亦似乎愈看愈受落:「海景叔冇事就好,我都唔想套劇咁多人死」、「團隊好有心思,改編故事誠意十足,啲景好靚。」、「故事係老土,但勝在節奏明快,幾個主演又年輕,演得亦恰如其份」、「我覺得新版比舊版多感動位」、「節奏好快,一集眨眼就結束」。