林盛斌相隔6年再開棟篤笑 自嘲「龜公Bob」

爆有味笑話。

林盛斌（Bob）昨晚在九龍灣舉行棟篤笑，眾多圈中人前來捧場，包陳展鵬和單文柔、王浩信、吳若希和老公Alex、薛家燕、王梓軒、陳煒和未婚夫陳國強、張秀文和未婚夫王大權、胡定欣、樂易玲、張繼聰、張振朗等都有到場欣賞，古天樂和梁競徽等也送上花牌祝賀。

張秀文和未婚夫王大權就是Bob做媒人。

張振朗與張繼聰

陳煒和未婚夫陳國強。

吳若希和老公Alex

譚俊彥與老婆。

樂易玲、胡定欣

Bob嫂

Bob全晚不時以自嘲和家人做話題，提到入行後有不少花名，最多人講的就是「龜頭Bob」，他坦言曾為此不開心，幸得太太開解，指龜代表長壽，有龜殼保護自己和家人，神獸玄武正是烏龜造型，簡直是勁到爆，才令他慢慢放下介懷，甚至能以此開玩笑，笑指自己被稱為金牌媒人，現在可以升呢做「龜公Bob」，將來死了就會變成「龜仙人」，火化又會變「龜苓膏」。他說：「其實改咩名都無所謂，我會擁抱這個名，我知道我嘅真名叫Bob，意思正是Best of the Best！」全場即報以熱烈掌聲支持。

Bob的棟篤笑以自嘲和家人做話題。

Bob話最介意呢個花名。

Bob表示入行多年被不少人認得，但原來認得不代表記得，笑言曾到工廠大廈拍廣告，被看更認錯是盧海鵬，令他哭笑不得，笑言如果有日Mirror的Anson Lo入來這幢大廈爆格，看更見到但捉不到，落口供時可能會認錯Anson Lo是張立基，即時令全場大笑。

Bob笑言曾被認錯是盧海鵬。

Bob學生時期照片。

另外，Bob請來王馨平擔任嘉賓，事前表示讀書時很喜歡身材豐滿的女仔，王馨平正是他的女神；但當王馨平現身後，被王馨平問到為甚麼喜歡自己時，Bob只大讚對方唱歌好聽，又說不要理台下的太太，要求與王馨平十指緊扣及擁抱，最後又在螢光幕播出王馨平4年前性感現身TVB慈善節目的照片，問對方是晚為甚麼不作類似打扮？王馨平即笑言這套晚裝不能隨便穿出來，場面好笑。

Bob請來王馨平擔任嘉賓。

還如願擁抱。

Bob受訪時認為自己的表現有80分，自言比6年前首次開騷有進步；又說是親自邀請王馨平做嘉賓，「我透過社交平台私訊她，同她講有這個計劃，她就留電話給我，大家之後再聯絡去傾，她聽完我的構思後就答應，很感謝她。（今次開一場會否不夠喉，會不會有part 2？）我未必開part 2，反而有計劃做巡迴，想去星馬和美加等地，但都要等通關後再決定。」

Bob自覺是晚表現有80分。

4大嘉賓鬥數「襟撈」三大型男當中一人更是國際級知名人士！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，19日10點半翡翠台播映最後一集。Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪！事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like a photo as well？』」隨即引發全場尖叫，城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿Bob及咪咪姐，更大方分享演藝界「襟撈」金科玉律，密切留意。

最後一集嘉賓有吳若希、袁偉豪

朱咪咪同林盛斌

Mayanne講番當年碧咸主動問佢使唔使合照時，吳若希瘋狂尖叫。

袁偉豪成功過渡看淡負評：最好唔好講嘢

至於被即場票選為「唔襟撈」代表的吳若希，及舉手自認唔襟撈的阿Ben，亦先後獲機會「自辯」。其中自與太太張寶兒結婚後飽受不少負評的阿Ben，直認當初確實介意，但現在已看化：「我覺得你可以有自己睇法，但最好唔好講嘢，唔好喺網上表達自己意見，就算好簡單講句『我唔鍾意』，每個人接收你嗰句唔鍾意都有唔同睇法。」、「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵；為頭家點點點，到頭來都有網民對你有另外睇法。當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」

對於網民嘅聲音，袁偉豪明顯睇淡咗好多。

吳若希親解頒獎禮Over舉動背後真相

四位嘉賓還大派花生，Mayanne重提吳若希當年在《勁歌金曲》頒獎禮中，當宣布菊梓喬獲得女歌手獎時，如何overreact令全場爆尷的往事：「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne續指當時大會司儀都在台上盤數如何為吳若希打圓場，咪咪姐聞言即搞笑搭嗲：「點兜啫，做到咁出面！」Mayanne繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常「公審」老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？

對於吳若希喺網絡「公審」老公，咪咪姐大表費解。

咁到底吳若希會點回應？

Mayanne重演番吳若希當年喺頒獎禮失態一幕。

吳若希就解釋番當時嘅心情。

至於阿Bob的大型花生，就是當Mayanne問他接Job有沒有底線時，他揞名爆曾推掉一部三級片，隨即惹起哄動，阿Bob更會娓娓道來當時推卻邀約的真相！之後若希追問：「如果搵你好似黎諾懿要露半個pat pat呢？」阿Bob竟爽快以五個字答案回應，到底又是甚麼？另阿Bob還親述曾親自回應網民負評的往事，最終成功將嬲到爆粗留言的網民最後變成留言為阿Bob打氣，打底阿Bob如何以奇招化解戾氣？密切留意今晚最後一集《Mayanne小喇叭》。

阿Bob一講話曾經有人搵佢拍三級片，震撼到Mayanne即刻企起身。

吳若希追問林盛斌裸露底線，阿Bob個答案當然絕啜核啦。

吳若希追問林盛斌裸露底線，阿Bob個答案當然絕啜核啦。

阿Bob講番當年同細細粒嘅激烈親熱戲時，一度嚇親咪咪姐。

對付負評，阿Bob有自己一套嘅應對方法。

呢一集曾展望會為自己一件好唔識撈嘅往事公開道歉，到底咩事咁大件事？