草蜢聖誕網上免費騷翻唱梅艷芳名作 為香港癌症基金會籌款

草蜢三子將於12月26日舉行名為《草蜢．愛的禮物．A Present》網上免費音樂會，翻唱多首梅艷芳經典名作，除了想透過音樂，向大家送上聖誕祝福，更希望將這份心意送給他們的師傅、梅姐梅艷芳。當日將有來自香港、馬來西亞及加拿大的電視台、電台、傳媒一起進行聯播，希望為香港癌症基金會籌得更多款項。

草蜢過往不時跟隨師傅四出登台、巡迴演出。

蔡一智說：「我哋一年前開始構思搞呢個音樂會，當時香港疫情好嚴重，令我哋諗起梅姐，相信如果佢仲喺度，一定會帶領我哋四出做慈善，幫助有需要嘅人，所以我哋三個覺得，係時候要做啲嘢，去承傳梅姐鍾意行善、鍾意幫助人嘅心。」

梅姐最後的演唱會，草蜢都在。

由於梅姐擁有無數經典歌曲，草蜢坦言選歌單的過程非常頭痛，因為「每首都係心水、每首都鍾意」。蔡一傑說：「淨係揀歌都花咗好多時間，最終我哋係用抽籤嘅方法，去解決問題，因為真係太多歌，每一首都係經典。依家揀出嚟嘅歌，相信無論係梅姐嘅歌迷，包括我哋三個梅姐嘅小粉絲，都好鍾意。」

蔡一傑

蘇志威

選歌期間，昔日與師傅四出登台、巡迴演出的畫面，一一湧上心頭。蘇志威說：「唱嘅時候，我忍唔住眼紅紅，真係勾起咗好多回憶，希望大家聽嘅時候，都會勾起一啲回憶。」蔡一智補充說：「梅姐以前嘅歌真係好正，如果我哋草蜢要再出廣東歌，真係要出多二百分努力去做好音樂，希望做到更高水準嘅廣東歌。」

蔡一智

草蜢聖誕網上免費騷翻唱梅艷芳名作 為香港癌症基金會籌款

第三集的嘉賓是組合草蜢，芷珊飛到台灣直擊他們的高雄巨蛋演唱會

由黎芷珊主持的《澳娛綜合呈獻：芷珊約您》，逢星期日晚上9點半翡翠台播映。昨晚（5日）播出第三集的嘉賓是組合草蜢，芷珊飛到台灣直擊他們的高雄巨蛋演唱會，成軍39年的草蜢相隔30年再於高雄開騷，三子使盡渾身解數辣爆全場，氣氛熾熱。

今集嘉賓係草蜢。

今集嘉賓係草蜢。

今集嘉賓係草蜢。

高雄巨蛋演唱會完騷後，芷珊與草蜢三子蔡一智、蔡一傑和蘇志威進行深度專訪。芷珊問到三子覺得十年後的草蜢會是怎樣？蘇老闆直言不會被年齡限制思想：「歷史都係人創造，你6、70歲仲喺上面跳，唔係唔得㗎喎！」傑仔亦大表贊同：「唔好畀自己太多阻礙同藉口，盡做吖，將自己發揮到最好為止。」芷珊再問到他們覺得現在快樂嗎？三子異口同聲說覺得快樂，坦言入行39年的旅程充滿Amazing，傑仔說：「諗番自己出道，十幾廿歲到依家，好幸運我哋幻想出嚟嘅嘢都成為現實，仲要做得幾好添，所以好感恩。」阿智則說：「我哋三個係屋邨仔之嘛，讀書仲係渣添啦，以前以為成功唔到㗎喇，但依家係做到Famous喎，講緊去到邊度都有人識你喎，嗰時係幾難想像。」

草蜢喺台灣大受歡迎。

草蜢喺台灣大受歡迎。

節目尾聲，草蜢三子應芷珊要求爆一個小秘密，三子大爆入行頭幾年曾有表面風光，但其實非常窮困的時期，傑仔說：「我哋開始出道攞咗新人獎，入行差唔多7年，之後都攞咗好多獎，喺出面其實都叫幾紅，但係我哋其實仍然係好窮，嗰時仲係住緊喺屋邨，好多隔籬鄰舍會帶好多同學嚟睇，我哋真係冇辦法、瞓唔到覺，逼於無奈要搬出去，搬出去之後，我哋嘅錢只係夠買三張床褥，之後係咩都冇。」

草蜢三子好感恩入行39年遇到好多Amazing嘅事。

草蜢三子好感恩入行39年遇到好多Amazing嘅事。

傑仔續透露好友成奎安雪中送炭的義舉，他說：「嗰時成日同大傻成奎安一齊出去玩，玩完之後佢送我返屋企，佢係都要上嚟屋企坐，我話唔好啦，但佢死都唔肯，最終都上咗嚟屋企，佢一打開門冇諗過我屋企係咁，就連一張櫈都冇，佢坐咗喺地下，佢話冇櫈坐啫，畀杯水嚟飲吓都得啩，我話對唔住，我屋企連雪櫃、水煲都冇，當時我哋係窮到咁，嗰個年代表面係風光，內裏其實好慘，第二日大傻搵朋友送咗張梳化嚟畀我，係我屋企第一張嘅梳化。」傑仔憶起故人不禁哽咽：「好多謝大傻，雖然佢已經唔喺度，但我仍然好掛住呢個人。」

傑仔爆入行初期時表面風光，實質就窮到燶，講到好友大傻雪中送炭，佢都忍唔住哽咽。