陳瀅方力申開Party歡度聖誕 黐住玩遊戲唔避嫌

表面避忌。

陳瀅與方力申（小方）緋聞傳出多時，一直未有認過。早前二人同場欣賞胡鴻鈞演唱會時，更尷尬到暈，陳瀅堅拒與小方合照，仲愈嗌愈走，拉都拉唔住，令小方當場勁尷尬。不過，二人原來只是表面上避忌，來到聖誕節就一齊度過。

小方在胡鴻鈞演唱會上拉不住陳瀅，搞到件事好尷尬。

陳瀅和小方最後坐前後排影相。

前日（26日）Boxing Day，小方、陳瀅及一眾圈中好友羅天宇、蔡思貝、何雁詩、賴慰玲及張子丰等開聖誕派對，雖然沒提及去誰人屋企，但這個不是重點，眾人影大合照時，分男女兩排前後坐，小方與陳瀅就一左一右隔開幾個身位，同框但又有點距離。

換位後陳瀅和小方繼續孖住坐。

陳瀅和小方坐在一起。

只是到眾人圍埋玩遊戲時就見真章，圍圈坐時就見到小方和陳瀅坐在一起，二人的關係當事人先知，不過正如何雁詩留言所講：「So much FUNNNN 玩下board game，交換吓垃圾（低級禮物），玩吓jenga，玩下7級豬～咁就過咗一個充滿小學雞笑聲嘅一日，大時大節最緊要都係同屋企人同朋友一齊，唔洗洗好多錢，簡簡單單已經好開心」，冇錯！最緊要係同邊個度過。

小方、陳瀅、蔡思貝及何雁詩等在家中開聖誕派對。

陳瀅方力申開派對共度聖誕 玩遊戲黐住坐毫不避嫌

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。