孖Stanley Frankie齊拍劇 Lokman稱拍攝時眾人狂爆肚放笑彈

Lokman指今次拍劇氣氛好，過程樂也融融令大家放膽溝通。

楊樂文（Lokman）、邱士縉（Stanley）與陳瑞輝（Frankie）三子齊齊出席ViuTV新劇《IT狗》記者會，Lokman指今次拍劇氣氛好，過程樂也融融令大家放膽溝通，拍攝成果不錯，也令他們在拍攝期間經常爆肚放聲大笑，Frankie笑言最考驗他的是接戲技巧。問到誰拍攝時最曳最放肆？Lokman表示：「每一個人都佻皮，各有各曳，不同時機有不同人失守。」

三子電腦都唔叻，但今次要挑戰IT人角色。

Lokman大爆個個演員拍劇都好曳，成日爆肚。

問到電腦技能是否強勁？三子爭認「水皮」，Lokman笑說：「我電腦唔叻，會考時有讀IT科，考試時我選擇Drop了這科。」而Frankie則直認電腦都是依靠朋友，大專時讀的課程都忘了，而Stanley透露讀書時是電腦相關科系，笑說：「如果讀得好就做IT了，幸好大學時就去跳舞，識到Lokman和Frankie，現在才會見到大家！」提到未能以「整電腦」為由增加異性緣，Lokman聞言有少少後悔。

Lokman透露佢個角色可以打破毒男框框！

提到劇中角色設定，Lokman透露是打破毒男框框，以自戀包裝自卑，問有否頂唔順自己的演出？他笑稱：「導演說要用舞台上的自信去演，當見到他們反應，便知道自己過份了！」而Frankie則指自己的角色是宅男，堅持不承認是毒男！而Stanley則演出個性較執着的角色。

Frankie個角色係宅男。

Stanley話自己個角色個性都幾執着。

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」