原來Marf曾跟教主學舞 大讚MIRROR想再同姜濤合作

今次Marf無預警地開live。

《造星IV》冠軍Marf昨日下午在冇預警情況下開IG直播，她指自己啱啱瞓醒，想同大家傾吓計。直播過程中，Marf鼻敏感發作狂呻鼻涕，同時攬住愛犬爆谷再喪食朱古力。直播內容好豐富，包括自爆曾跟教主學跳舞，又透露跟姜濤合作點滴，同時又大讚MIRROR等等。

Marf直播其間鼻敏感發作狂擤鼻涕。

攬住自己隻愛犬爆谷。

邊食朱古力邊吹水。

Marf話唔知自己個英文名點解 ，可能係阿拉伯文代表開心快樂喎。

Marf在《全民造星IV》總決賽得冠軍同姜濤合照。

Marf 在直播被網民問到最鍾意邊位MIRROR成員？Marf先飲啖水定驚，之後冷靜回答欣賞Anson Lo，因為之前跟過對方跳舞，睇住佢呢幾年嘅變化。Marf跟住又話欣賞Ian唱歌，又鍾意對方低調好隨和，又讚Stanley貼地之餘好搞笑，最後又讚Jer唱歌好聽。至於AK原本就冇乜特別感覺，直到佢做咗導師先發覺佢好細心貼地。

Marf自爆跟教主學舞 ，但對方未必記得她。

Marf重複兩次稱讚姜濤真係好叻，她說：「我一年前同姜濤一齊合作拍廣告，曾經做過佢嘅舞蹈員，好神奇兩個唔同世界嘅人可以一齊合作。原來佢經歷好多嘢壓力真係好大。」Marf最後表示對MIRROR其他成員冇咁熟悉所以唔評論嘞！同時又說好欣賞MIRROR，覺得佢哋咁成功一定有原因，並希望可以同姜濤再次合作。

Marf曾經跟姜濤拍廣告。

MARF好欣賞MIRROR。

Marf想同姜濤再合作。

「教主」美髮流動車出動！

美髮品牌ghd邀得MIRROR成員「教主」盧瀚霆（Anson Lo）演繹全新造型，繼早前發放教主的驚喜造型照和幕後花絮片後，品牌今次派出教主美髮流動車為大眾提供10分鐘免費春夏美髮造型服務，亦歡迎各位神徒前往打卡拍照。

教主美髮流動車

Anson Lo演繹全新造型

神徒獲得不少福利

品牌早前發放教主幕後花絮片

ghd以全新鮮明撞色Colour Crush命定色彩系列喚起今個春夏，三款最熱賣的美髮工具換上限量螢光青檸色與新星藍色的活力色調，打造髮型的同時為生活添上色彩。為配合Colour Crush 命定色彩系列的推出，ghd起出動教主美髮流動車分別在港島及九龍區6個地點以全新限量版新品提供造型服務，讓大家感受夏日色彩的活力氣息。ghd教主美髮流動車內將會展示出 Colour Crush 命定色彩系列，產品包括有Chronos高清亮澤造型夾、Duet雙效熱風造型夾及Helios專業風筒，ghd 亞洲培訓經理John 及ghd專業造型團隊將於車內提供10 分鐘免費春夏美髮造型服務，讓大家即時體驗產品。美髮流動車的車身更會換上教主的最新造型照，神徒可前往打卡拍照。

ghd Colour Crush 命定色彩系列已在 ghd 專門店 / 專櫃、 連卡佛專櫃、指定零售商及高級髮廊發售。

無需預先登記便可享用造型服務，完成造型服務後，只需在 Instagram 上發帖文及標注 @ghdhairhk，即可獲得Good Hair Day 髮夾一枚（每日限量40名額），其次在 Instagram 上關注 @ghdhairhk 及回答問題，更可免費獲取額外小禮物一份。