搞笑。
鄭裕玲(Do姐)帶領鄭衍峰及孔德賢「冧莊」擔任主持的無綫真人競技綜藝Show《識貨2》,今輯「見習主播」分別為陳敏之、阮兆祥、黃美棋、游莨維(一蚊Joe)、邵初及劉頌鵬。
昨晚(4日)播出第五集,今集大家繼續跳出錄影廠接受製作組設計的挑戰,今次考驗主播的推銷技巧,主播要在不被認出的情況下推銷產品,並引導顧客說出指定句子。今集繼續分為兩組出擊,第一組的阮兆祥、黃美棋及一蚊Joe竟要在電視城內推銷產品,要沒人認得絕對有難度,故出發前他們需要先行「易容」,黃美棋以喱士睡衣配西裝外套再配搭黑絲上陣,化身Sexy Lady;鍾意扮嘢的阮兆祥則戴上齊蔭假髮「變性」,更笑言自己像極《溏心風暴之家好月圓》的米雪。
任務期間亦相當爆笑,黃美棋先膽粗粗向汪明荃推銷,但阿姐竟霸氣十足直行直過,美棋慘遭無視。而阮兆祥則被C君玩殘,祥仔花了不少時間氹到C君說出指定字句,但最後C君玩嘢踢爆他的真正身份,最終任務失敗,搞到祥仔嬲豬謂:「我唔想再同你講嘢,你認錯人喇,我係盧覓雪!」場面搞笑!這一組最終由一蚊Joe勝出。
另一組陳敏之、邵初及劉頌鵬就獲安排走出電視城推銷寵物藥妝,製作組更為三位主播準備了三隻可愛的狗狗一同進行任務。陳敏之向街坊推銷時,搞笑地獲叔叔送贈爛Gag金句:「我唔驚狗,但我飲啤酒!」慘食檸檬的敏之之後轉攻學生妹,成功氹到她們說出指定句子,最後更被學生妹誤會是《東張西望》主持。而邵初及劉頌鵬今次表現比較遜色,結果敏之成為這一組的大贏家。
今晚(5日)播出一集,六位主播將最後一次接受外景遊戲挑戰,今次分為男、女子組進行比賽。今晚一集會考驗主播的語言運用技巧,邵初由於表達力偏差,形容食物時九唔搭八,令美棋一度以為她是無間道;而劉頌鵬則搶着答問題但又答錯,令祥仔嬲爆爆表示:「唔好咁急啦!答得快又冇分加嘅!」而在「貨品接龍」環節中,主播們需以接龍方式講出貨品特性,而主播們的答案都非常有創意,有人更笑指口罩可以當胸圍戴,想知更多爆笑內容,萬勿錯過今晚播出的《識貨2》第六集。