亞視阿儀拜亡母影李偲嫣靈位 Fans冧爆留言惹注目

娛圈事

亞視阿儀拜亡母影李偲嫣靈位 Fans冧爆留言惹注目

2022年01月09日 22:27 最後更新：22:27

薛影儀拜亡母拍下同地點李偲嫣靈位，上載到IG與網民分享。

有亞視一姐之稱的前落選亞姐薛影儀（阿儀），今日於IG分享近況：「今日在屯門龍鼓灘曾咀拜阿媽，在1樓見到李偲嫣嘅墓。」政黨正義聯盟發起人李偲嫣，2020年疑染新冠病毒離世，丈夫謝鋮浚去年1月為亡妻舉行追思會，想不到李偲嫣的靈位與阿儀亡母的靈位在同一個地點。阿儀更將李偲嫣靈位拍下，上載到IG與網民分享。

阿儀呢個Post引來眾多網民留言，其中一位Fans更留言冧阿儀：「我希望我哋嘅墓會係我哋兩張相拍埋一齊。」雖然引來其他網民爆笑，但阿儀就表示：「我大家（吉）利是過你呀！」呢位Fans嘅留言獲得超過400個Like，就知幾惹網民注目啦！難怪阿儀都要專登覆佢呀！

往下看更多文章

前「亞視一姐」薛影儀唔再黑口黑面？扮殭屍跳罕有露笑容網民好驚喜

2024年03月13日 19:00 最後更新：19:10

薛影儀在IG貼出與前亞姐林海茵扮殭屍等人跳的短片，阿儀跳完罕有露出笑容，而且笑得相當燦爛！

39歲的前「亞視一姐」薛影儀去年因好友黃榕與經理人林寶玉鬧翻後，被亞洲心動娛樂解約，雖然成為失業中女，但依然與黃榕出雙入對，並經常在社交平台分享合照。近日，阿儀又與黃榕、2021年亞姐林海茵等人聚會，並分享了扮殭屍跳的短片，向來「黑口黑面」的阿儀更罕有露出笑容！

阿儀在IG貼出短片，並留言：「呢個係我扮殭屍好搞笑，呢個係我諗呀！」片中可見穿著碎花連身裙的阿儀與林海茵等友人，齊齊舉手扮殭屍彈吓彈吓，阿儀跳完更罕有露出燦爛的笑容，令網民相當驚喜，紛紛留言：「好少見阿儀笑得咁開心」、「睇咗你3年，第一次見你笑」、「終於識笑啦，等左幾年」、「第一次見阿儀笑」、「阿儀總於唔係笑到俾人逼咁啦」，但亦有眼利的網民發現阿儀又疑似「真空」上陣，「阿儀你無戴胸圍扮疆屍？」