Anson Lo 拍《12》MV埋位前深情演唱 花姐扮鬼亂入唱埋一份

難得12子同場拍攝,當日應該有大批花絮未曝光，相信「神徒」同「鏡粉」仲有大把福利收。

「教主」Anson Lo（AL）向來錫一班「神徒」，今午在社交平台限時動態承諾會post一條等埋位拍《12》MV的片，果然一諾千金，晚上「神徒」即睇到絕密花絮片段，而今次仲有神秘嘉賓出現。片段中見到 AL着住《12》MV中的校服Look，在學校課室門口窗邊企住大唱台灣歌手高爾宣歌曲《So Bad》， 正當AL唱得勁陶醉時，身後的花姐望頭鏡頭，即時除下口罩，偷偷走到AL背後扮鬼亂入，仲跟埋AL一樣唱，場面好搞鬼，難得AL轉身望一望花姐後，繼續處變不驚照唱，果然唱得好投入喎！AL留言亦寫上：「會唔會太無聊？花姐客串扮鬼。」係無聊㗎，但「神徒」肯定睇得好開心！

花姐上ViuTV節目《神的女主角》大談跟教主相識經過。

花姐昨天親自陪同教主到銅鑼灣鬧市打卡。

MIRROR新歌《12》在校園大玩聖誕派對。

片段中見到教主着住《12》MV中的校服Look。

AL唱得正陶醉，此時花姐亦醒目發現鏡頭。

《12》呢首MIRROR新團歌雖然已推出兩星期，但當日MV在黃竹坑的香港仔工業學校取景，內容主要講述12子在校園內開聖誕派對，難得12子同場拍攝,當日應該有大批花絮未曝光，相信「神徒」同「鏡粉」仲有大把福利收。

花姐扮鬼個樣勁搞笑。

AL知道花姐亂入一樣只係望一望。

無理繼續唱。

AL真係好投入喎!

Anson Lo 拍《12》MV埋位前深情演唱 花姐扮鬼亂入唱埋一份

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。