陳展鵬為操完美Body吃盡苦頭 獲元秋大讚有進步兼乖仔

元秋指展鵬身手比《城寨英雄》時進步了好多！

雲集《城寨英雄》台前幕後班底、由文偉鴻監製的無綫新劇《鐵拳英雄》，將接棒《愛上我的衰神》於1月10日（星期一）晚九點半翡翠台首播，打響頭炮成為無綫2022年首部播出的新劇！《鐵拳英雄》主要演員包括視帝陳展鵬、視后唐詩詠、陳山聰、姚子羚、伍允龍、元秋、王君馨、劉穎鏇、歐瑞偉及張國強等。

拍打戲仲要戴住手鐐同腳鐐，齋聽都知道辛苦。

展鵬坦言是次操得辛苦。

 以六、七十年代的曼谷唐仁街為背景的《鐵拳英雄》，透過一眾主角如何在逆境中自強及尋求正義的故事，帶出中國功夫的哲學智慧。為了讓觀眾看到實實在在的拳腳功夫，劇組與演員們付出不少血汗，所有動作場面均花了大量時間拍攝，務求達至最佳效果。就連拍攝打戲有一定經驗的兩位男主角陳展鵬及陳山聰，早前接受無綫娛樂新聞台訪問時，亦坦言無論準備或是拍攝過程均很辛苦，展鵬謂：「有一場打戲要戴晒手鐐同腳鐐咁打，好有難度，要諗點設計啲動作同埋點樣做出最好嘅效果，嗰log戲歷時4個月分咗7日嚟拍。」展鵬又謂為了保持完美身段更是吃盡苦頭：「佢哋教我要『甩水』，即係頭3、4日每日飲7L水，一日去20次廁所左右。去到正式拍嗰時一啲水都唔可以飲。」展鵬又大讚女主角唐詩詠在劇中大有進步，擺脫了固有形象：「我同佢有好多火花。」

展鵬喺劇入面成日周身傷，想都想像到佢打得有幾咁「甘」。

展鵬讚唐詩詠在劇中大有進步，並謂二人合作甚有火花。

 同樣功夫了得的元秋，表示今次會轉戰「喊戲」，並大讚囝囝展鵬劇內劇外一樣乖仔：「佢好錫我，大家有問題都會互相提問，個溝通做得好好。（覺得佢身手點？）比《城寨英雄》時進步咗好多。」

元秋對囝囝展鵬讚不絕口。

元秋同展鵬喺劇入面多番互動都好感人。

最新集方力申被林夏薇「不可預測」吸引生情愫，妒火中燒陷害陳展鵬捲盜竊風波'

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。2日一集，森Sir（陳展鵬飾）捲入盜竊風波。劇情講到森Sir和阿Wing（林夏薇飾）在街上遇到搶劫案，一名外籍老婦被人持刀行劫，老婦腹部中刀，放在手袋的美金灑落一地，劫匪則落荒而逃。森Sir、阿Wing幫老婦撿好灑滿地的美金後，隨即送老婦到醫院。本來只是熱心助人，豈料卻令森Sir陷入盜竊風波！

展鵬同薇薇熱心幫助一個老婆婆，點知展鵬亦因此捲入盜竊風波。

重案組探員在森Sir的汽車搜證時，竟發現老婦消失的1萬8千元美金，森Sir旋即成為疑犯。原來所有事情都是冠峰（方力申飾）在背後搞鬼，他除了暗中安排盜竊案，還利用媒體炒作事件帶風向，律政司最終以盜竊罪起訴森Sir。而令冠峰陷害森Sir的主因竟是阿Wing。一向理性大於感性的冠峰經過與阿Wing多番相處後，被阿Wing的善良、不可預測所吸引，對阿Wing漸生情愫，故當冠峰發現阿Wing對森Sir餘情未了，即時妒火中燒設局陷害森Sir！

展鵬被懷疑偷咗老婆婆1.8萬美金。

原來係小方背後搞鬼！

小方對薇薇漸生情愫。

小方見到薇薇對展鵬餘情未了，妒火中燒！

劉緯民1985年當紅時急流勇退移民加拿大

昨晚一集尾聲，有久違香港娛樂圈三十多年的劉緯民驚喜登場！緯民哥在劇中飾演展鵬爸爸，今次難得回港客串拍劇，他接受無綫娛樂新聞台訪問時說全因家豪哥：「佢叫我要出嚟見吓人喇！」相隔多年再拍劇，他坦言感覺大不同：「覺得自己好似一個新人咁，依家好似電影方式咁拍攝，以前我哋一個studio就拍晒成場戲，講錯一句對白就要成場嚟過，依家就輕鬆咗啲。」現年73歲的劉緯民拍過不少膾炙人口的作品，並於1985年當紅時選擇急流勇退移民加拿大，後來創立珠寶公司，更被封為「珠寶大亨」。

劉緯民話今次出山拍劇係因為家豪哥。

對於能夠與緯民哥結父子緣，展鵬受訪時直言很開心：「大家都喺亞視做過，細細個都有睇過佢劇集，但當時太細個印象唔係好深刻。雖然佢已經73歲，但係佢真係Keep得非常之好，狀態好好，自己拍劇都好耐冇一個爸爸。可以同佢一齊合作係一個好好嘅回憶，希望大家都鍾意我哋呢段父子情啦！」

劉緯民驚喜客串展鵬爸爸。

展鵬話好開心可以同緯民哥合作