騙徒陷阱無處不在 警方拍片提醒4大騙案手法

警方反詐騙協調中心昨晚（10日）推出全新政府電視宣傳短片，在各媒體播放，拆解四種騙案手法，提醒市民提防騙徒陷阱。

短片指，現實同虛擬世界騙徒陷阱都無處不在，第一類常見騙案就係騙徒自稱「執法人員」，又話「拘捕令有你嘅資料，想洗脫嫌疑就俾你嘅銀行戶口資料我」，不過片中市民就好醒，直斥：「有我個人資料就信你？睬你都傻！」

現實同虛擬世界騙徒陷阱無處不在。影片截圖

網上交友越來越普及，但網上情緣騙案同時暴增，警方今年首10個月就錄得1369宗網上情緣騙案，比去年同期上升逾八成，損失高達4.8億港元。

短片揭露網上情緣騙案係假情假意假投資。影片截圖

對於騙徒的一句「Honey，呢隻虛擬貨幣買得過喎」，短片中的大媽就即刻反應過來：「假情假意假投資，睬你都傻！」

求職騙案手法都層出不窮。

第三類就係求職騙案。騙徒會在不同求職網站，或者利用社交平台刊登虛假招聘廣，同時強調「無需經驗，高薪$$$$，即刻出糧」等，短片就提醒：「邊有咁多筍工吖，睬你都傻！」

如今網購已經成為好多人生活中不可或缺的部分，但當收到賬戶異常訊息時，就要留意啦，撳Link前一定要三思，如果同自己上開嘅網址唔同，都係「睬你都傻」一句說話。

市民若有懷疑即打18222。視頻截圖

警方就提醒市民，緊記以上四種騙案手法，若有懷疑即打18222。

大家估吓援交騙案通常在哪裏發生？警方Facebook圖片

另外，警方都公布最新「騙騙龍虎榜」，反詐騙吉祥物「提子」排行去年第四季發生最多援交騙案嘅五大交友平台，排名不分先後，包括有： Bu_terfly、Fa_ebook、He_mandi、Sw_etRing、同Ti_der。

警方提醒，交友平台係用嚟交朋友㗎，睇圖還睇圖，傾計還傾計，無論幾亢奮幾高漲，都唔好墮入援交騙局！

援交騙局一般係咁嘅：騙徒喺交談過程中，要求受害人提供個人資料，然後作出要脅；假扮成提供性服務者嘅經理人聯絡受害人，以威嚇嘅言語要求受害人繳交金錢；指示受害人到虛擬貨幣自動櫃員機存款至指定嘅錢包地址。

因此，提防援交騙案，最緊要係網上交友時，要認清對方身份，另外都唔好向陌生人提供個人資料。萬一接獲恐嚇，記得報警求助。

Sebastian

** 博客文章文責自負,不代表本公司立場 **

旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。

Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。

「旅遊義工」Agnes退休前任職跨國公司管理層。

退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。

收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。

因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。

Agnes話，每當想起這段回憶，自己能夠幫老人家完成心願，好有滿足感。

退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。

由新加坡回流香港發展的Marco，透過參與「旅遊義工」計劃重新認識香港。

Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。

由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。

做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。

最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。

各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。