Po陳年相賀麥子樂 佘詩曼強調祝「緋聞男友」生日快樂

好老友啊～

麥子樂今日（12日）42歲生日，壽星佬一早喺IG出Po話畀人知佢今日生日，配圖係一張用槍指住自己個頭嘅劇照。佢講到咁，圈中一眾老友如鄭秀文、阮小儀及岑珈其都拿拿臨祝佢生日快樂，同佢傳過緋聞嘅佘詩曼更特登出Po賀壽添。

好多朋友留言賀壽星仔。

阿佘Po咗兩張相，分別係少女時期同麥子樂嘅童年合照，另外一張就係成年嘅合照，Caption係，「Happy birthday to my 緋聞男友。」Hashtag就係「#由細玩到大 #契細佬 #一家人」。好記性嘅朋友應該記得當年阿佘同麥子樂曾經傳過緋聞，所以阿佘喺賀壽Po都祝緋聞男友生日快樂。

阿佘以往都會同契細佬慶祝生日。

阿佘明顯「高升」

佘詩曼（阿佘）憑劇集《新聞女王》，在《萬千星輝頒獎典禮2023》奪得「最佳女主角」、「大灣區最喜愛TVB女主角」、「馬來西亞最喜愛TVB女主角」榮膺三料視后，事業再創高峰，不斷接拍廣告、出席活動，紅爆中港兩地。近日阿佘在社交平台派福利騷白滑美腿，在攝影師的鬼斧神功之下，令阿佘明顯「高升」。

女主角佘詩曼憑劇中「Man姐」一角勇奪視后。

佘詩曼憑《新聞女王》奪最佳女主角成三料視后（本網記者攝）

阿佘相當感謝大家的支持（本網記者攝）

keep得好好！

事業創高峰

阿佘近日分享一張花裙靚相，意外更變10頭身，身形高挑美腿纖細，連她也忍不住留言：「又一次要歌頌攝影的技術，影到我好似一米八！」不少網民都大讚她又瘦又高：「最重要還是你自己好看啦」、「高貴底女人味..出落大方艷氣非凡」、「真人靓過上鏡好多好多！」。 

騷美腿