Po陳年相賀麥子樂 佘詩曼強調祝「緋聞男友」生日快樂

好老友啊～

麥子樂今日（12日）42歲生日，壽星佬一早喺IG出Po話畀人知佢今日生日，配圖係一張用槍指住自己個頭嘅劇照。佢講到咁，圈中一眾老友如鄭秀文、阮小儀及岑珈其都拿拿臨祝佢生日快樂，同佢傳過緋聞嘅佘詩曼更特登出Po賀壽添。

好多朋友留言賀壽星仔。

阿佘Po咗兩張相，分別係少女時期同麥子樂嘅童年合照，另外一張就係成年嘅合照，Caption係，「Happy birthday to my 緋聞男友。」Hashtag就係「#由細玩到大 #契細佬 #一家人」。好記性嘅朋友應該記得當年阿佘同麥子樂曾經傳過緋聞，所以阿佘喺賀壽Po都祝緋聞男友生日快樂。

阿佘以往都會同契細佬慶祝生日。

佘詩曼有今時今日都經過唔少磨練。

三料視后佘詩曼憑《新聞女王》Man姐一角事業再創高峰，奠定在香港電視界的女王地位。近日阿佘接受鄭丹瑞YouTube Channel節目《健康旦》訪問，竟大爆曾被PA無理責罵！

《新聞女王》Man姐(佘詩曼飾)爆紅

憑《新聞女王》成三料視后（本網記者攝）

佘詩曼當年憑參選港姐季軍入行，但入行初期，有3次深刻被批評的經歷。第一次是阿佘仍未卸任港姐時客串劇集，她指當時準時到場現場，正在換衫的時候，竟被PA（助理編導）無理狂鬧：「佢話『你知不知今日係父親節呀，個個要趕住返屋企食飯，叫你早啲又唔早啲』一路鬧鬧鬧。」而該PA之後更責難只得一句對白的阿佘無帶劇本，更粗口連連，再一個劇本飛埋去。阿佘話﹕「我就覺得好侮辱嘅其實，但我就冇出聲，我忍住。唔想喊花個妝」完成拍攝工作後，劇務送她上的士，阿佘即時爆喊，回到家後又再繼續喊。她指，當時接到港姐保姆Rosa的電話，問到她應否開除該PA，而她則想息事寧人，因此公司最後安排該PA調離該劇組。

她說被PA狂鬧好侮辱

而第二次被批評則是她首次擔任時裝劇重要角色，當時被導演當眾大鬧：「而家唔係拍緊古裝呀。」阿佘直言好尷尬，但就開始檢討自己的演繹方法：「我好多謝佢嘅，雖然有少少瘀。」而第三次就是當年憑《十月初五的月光》奪獎後，阿佘認為自己已掌握了演戲的技巧，豈料一天突然被高層曾勵珍召見：「佢話『做咩呀，覺得自己好識做戲呀？好叻喇？做咩呀。12341234呀，滑晒牙呀你』」被當頭棒喝的阿佘即自我檢討：「由嗰一次開始我就好慎重咁樣，去研究我每一個角色嘅變化。」

阿佘表示自己好有自省能力