望重新審視未來方向 吳業坤：自己想專心唱歌

對工作及人生都有了新想法。

吳業坤最近在《異搜店》飾演跟本身反差極大的醫生「Andy」，他直言沒負評便當觀眾接受他演出。入行11年、快將32歲的坤哥，去年到日本工作假期後，令他重新審視人生，更加清楚工作方向，打算先打好歌手基礎，還會繼續進修完成學位，最重要是成功找到個圈外女友。

2010年參加《超級巨聲》出道的坤哥，對唱歌始終最大興趣。

《異搜店》中角色「Andy」，跟坤哥本身反差極大。

坤哥接拍《異搜店》演「Andy」時，一直好驚有好多負評，「講到我好靚仔又專業人士咁，究竟會唔會說服到觀眾呢？好彩出街到而家都冇收到啲負評，咁樣又唔係成功，但係合格囉！（演戲進步咗？）唔係話演技，但希望可以有潛質去做到其他角色。」

坤哥在日本工作假期後，推出了歌曲《一路》。

坤哥跟周奕偉早前齊主持《好掛住日本》。

打算重返校園

日前坤哥在社交平台寫上對《好掛住日本》感受「可能係最後一個喺公司嘅旅遊節目」，他承認除了疫情影響，還因去完日本工作假期後，對工作及人生都有了新想法，「自己想專心唱歌，其實都有同公司講過呢個意見，同埋係咪一直會喺公司！？（係咪完約？）仲有段時間，但係都要開始諗呢樣嘢，喺公司咁多年絕對係對我好好，但要開始識諗自己想要啲乜嘢，究竟邊度係最適合我。15年係成功做咗個歌手，但轉頭又繼續拍劇，當然有呢啲機會係感恩，但慢慢又淡化對吳業坤唱歌呢個感覺，所以想呢年開始同公司講，擺返時間喺唱歌。」

坤哥在社交平台寫了對《好掛住日本》感受，提到未必再有機會拍TVB旅遊節目。

16年，坤哥在《叱咤》奪得生力軍金獎。

除了事業，坤哥還打算今年重返校園，但因選擇困難，會交升學顧問決定讀邊科，「好似有個學位令自己安心啲，而家係興奮嘅，以前讀書係得過且過，但而家知學嘢袋入我袋，係自己選擇又唔同。」人生當然還包括愛情，入行以來緋聞多多的坤哥，希望今年搵到穩定發展對象，「對象絕對會有，但係成唔成功係需要時間，（追緊？）或者我畀人追緊呢！哈哈！（圈外人？）如果都係圈中人，講嚟講去啲話題都係圍繞住工作會冇咁好，搵到個理解你嘅圈外人係幾好嘅。」預祝坤哥成功，快聽到好消息啦！

疫情下，坤哥學了多樣技能，其中有空手道。

4月便32歲的坤哥笑言媽咪沒摧婚，只想他搵多啲錢。

頭條獨家丨吳業坤望今年搵到圈外女友 未來想主力做返歌手

坤哥勁啊！

吳業坤坤哥一向酷愛日本文化，不時飛日本外，早年更迎娶日籍太太。日前坤哥又有好消息公布！苦練四年空手道的坤哥，首次參加《第十三回親善空手道選手權大會》組手比賽，隨即奪冠，於社交平台開心分享獎杯及獲獎感受，更訂下成為港隊一份子為目標，熱血爆棚。

坤哥首次參加《第十三回親善空手道選手權大會》組手比賽。

成功奪冠！

四年前，因為疫情關係，坤哥自我增值而開始接觸空手道，向前港隊香港空手道精英運動員李偉志拜師學藝。坤哥在這四年無間斷練習，為比賽作好準備，得獎開心不已，「2020年5月第一次接觸空手道，練習左差唔多四年，今日第一次參加組手比賽，拎到冠軍好開心（人生對上一次拎冠軍好似係中五既推鉛球金牌）我會繼續努力！！！！」

坤哥（右）四年前開始向前港隊香港空手道精英運動員李偉志（左）拜師學藝。

事後，坤哥更道出自己已訂下新的人生目標，希望成為港隊一份子，為港爭光，亦十分感謝教練、太太及朋友們的支持。

坤哥更訂下新的人生目標，希望成為港隊一份子，為港爭光！