衛詩雅解鎖裱花蠟燭進軍市集裱到手指屈唔埋勁擔心

娛圈事

衛詩雅解鎖裱花蠟燭進軍市集裱到手指屈唔埋勁擔心

2022年01月23日 00:05

衛詩雅擁有專業鑽石鑑定證書、救生員拯溺章等不少專業牌照，堪稱「娛圈牌王」。

衛詩雅（Michelle）多才多藝，擁有專業鑽石鑑定證書、導遊牌、救生員拯溺章、船主牌、潛水牌、初級中醫證書、寵物傳心術等不少專業牌照，堪稱「娛圈牌王」。

近日Michelle再成就解鎖，考獲「蠟燭裱花導師」，更小試牛刀、自製錶花蠟燭進軍新年「大乾爹市集」。她透露是受到「富貴KOL」雪姨提議，首次擺市集，期間卻遇到不少「蝦碌」事，Michelle笑言：「好多甩漏，例如我唔記得買袋，人哋買走嘅時候冇袋俾人、唔記得買枱布，最後用咗自己屋企塊窗簾等等呢啲甩轆嘢。」不過，Michelle表示來捧場的客人都非常熱情，最難忘原來是大家都有關注她的網上頻道。

為了今次市集，Michelle化身工廠女工，日日親手裱蠟燭，最後搞到「工傷」，「因為我每一杯都係自己裱，裱到手好攰、好痛，有一日起身嘅時候隻手屈唔埋，我就好驚！呢個真係好難忘，因為驚隻手有咩事，不過隔咗兩日就好番。」

往下看更多文章

瑪嘉烈與大衛系列絲絲丨傅孟柏為演名廚去餐廳實習衛詩雅笑認係「地獄廚神」

2024年04月01日 19:00 最後更新：22:51

傅孟柏指最難學是刀功，因為要有架勢。

ViuTV原創劇《瑪嘉烈與大衛系列絲絲》正在熱播，傅孟柏首次來港拍電視劇，飾演城中名廚「烈火」的他表示自己不時入廚，戲外都做過餐廳工作，傅孟柏分享：「我有在餐廳洗過盤子和做外場，但沒有真的搞食物，在拍攝前，我有到美食顧問的餐廳實習，最難是刀功，切東西有難度，因為要有架勢。」

傅孟柏與同場的吳啟洋（Phoebus）劇中飾演兩兄弟，Phoebus指自己中學亦曾在餐廳工作過數個月，當時負責整拉面和餃子，不過，Phoebus坦言現在私底下較少下廚：「通常我地啲時間好亂，真係習慣買外賣，最多都係準備早餐，因為快，可能整啲粟米片同通粉。」

衛詩雅（Michelle）於劇中飾演經營「大文號」水餃店的Diamond，Michelle笑言自己現實中屬於「地獄廚神」級別，揚言謝霆鋒都想放棄教自己下廚：「我試過煮嘢食比工作人員，佢地食到肚痛屙嘔，千祈唔好食我煮啲嘢啊！我連煮公仔麵都會發漲晒，煲湯會好少少，因為擺材料落壓力煲就得。」不過，Michelle性格本身非常好學，指烹飪是自己下一個希望能夠「成就解鎖」的技能。