與衛詩雅誤會大和解 家燕姐自爆有拖拍：人哋想有小朋友但我收咗經啦

Michelle特別找來家燕姐的「飯堂」開餐，二人邊說邊食，頓時「冰釋前嫌」

由衛詩雅（Michelle）主理的網上飲食節目《衛食攻略》3月14日上架，今集請來之前跟Michelle「有少少誤會」的薛家燕任嘉賓，為表誠意，Michelle特別找來家燕姐的「飯堂」開餐，二人邊說邊食，頓時「冰釋前嫌」。

請來之前跟Michelle「有少少誤會」的薛家燕任嘉賓

相關影片可以按以下畫面觀看：

影片連結： www.youtube.com/embed/ZppfzWS3d8Q

早前的活動上，家燕姐將Michelle錯認為陳家樂老婆連詩雅，二人合照時更恭喜她有喜，弄得在場人士捧腹大笑。今集節目一開始，Michelle便裝到神色凝重，對着家燕姐說：「我哋之前有啲誤會。」家燕姐立即又向Michelle恭喜，「衞詩雅，恭喜你提名最佳女主角，哈哈。」Michelle立即捉着家燕姐雙手錫錫，「多謝你，家燕姐。」家燕姐重提舊事，「哎呀！真係尷尬啦，我仲摸你個肚啊。」兩人隨即大笑。

家燕姐將Michelle錯認為陳家樂老婆連詩雅

二人合照時更恭喜她有喜，弄得在場人士捧腹大笑

家燕姐立即又向Michelle恭喜，「衞詩雅，恭喜你提名最佳女主角，哈哈。」

家燕姐立即又向Michelle恭喜，「衞詩雅，恭喜你提名最佳女主角，哈哈。」

立即捉着家燕姐雙手錫錫

兩人隨即大笑

席間Michelle向家燕姐請教保養秘訣，家燕姐表示湯水及充足的睡眠十分重要，「我瞓四、五個鐘就夠㗎啦，但我隨時叉電，我即刻可以瞓到，可能係自細養成。因為我哋好細個入行，嗰陣時最多電影拍就係嗰啲鑼鼓古裝大戲，未到你嘅時候就瞓，如果瞓醒個頭亂晒，嗰啲梳頭姐姐就鬧㗎啦。因為佢同你梳到咁好，有陣時啲古裝花成個鐘整頭㗎嘛，你一下子瞓醒覺又由頭梳過，廠又等緊你，唔怪得佢哋忟嘅，所以我學慣咗可以瞓覺，但唔會郁。」隨即便示範起上來，十分搞笑。

這時Michelle八卦起來，問到家燕姐的感情生活，家燕展露出一個尷尬而不失禮的笑容說道：「有拍拖，有人知道我有個朋友仔細過我嘅，咁我梗係好保護關係啦，因為佢唔係我哋呢行。其實我咁嘅年紀，我唔會諗住再結婚，佢希望想結啦。」然後繼續大爆料，「可能人哋想有小朋友，但係我收咗經啦嘛！哈哈！我食咗靜心，吖！真係呀！唔使諗㗎啦嗰啲，哈哈。」

自爆有拖拍！

直言即使想要小朋友，自己都已收咗經

雖然Michelle經營自己的YouTube頻道非常成功，但她亦乘機向玩social media玩到出神入化的家燕姐取經一番，家燕姐坦言女兒及兒子是自己的團隊，「我個女幫我上連登，我問佢而家潮流興啲乜嘢，我就會盡量去做，好似《Flower》，我啲學生話：『家燕媽媽我哋全部都識跳。』我唔識跳會好瘀㗎嘛，自己又係校監。」至於「Captain Nancy」，家燕姐解說：「我覺得拎住個盾，嘩！好正喎！啲人就話呢粒墨係發光嘅，我影咗之後，咦？不如整個『Captain Nancy』啦，你就拉到一班年輕嘅觀眾啦。」隨後，她又過番兩招給Michelle，「寄語」她不要在廁所瀏覽社交平台，「因為有一次我喺廁所睇Facebook，唔小心撳咗live個掣，哈哈！我兩個女，『嘩！媽咪你做乜嘢呀？你做乜喺廁所Facebook live！』嗰刻唔係好多人睇咗啫，我係大頭咁坐喺度，做緊一件好大嘅事！哈哈。」

「寄語」她不要在廁所瀏覽社交平台

因為曾唔小心開live

係大頭咁坐喺度，做緊一件好大嘅事！

不少fans都會送偶像禮物，問到家燕姐收過最名貴的禮物，家燕姐坦言收過鑽石、金牌，「有位影迷拎個金牌出嚟話幫我戴起，金牌後面釘個釘，然後佢幫我拮落件衫，但嗰個金係好重，我件衫係雪紡，佢一戴上嚟，我就睇住我件衫撕爛咗！哈哈。」除此之外，當年亦很流行送銀紙牌，「當然啦，銀紙牌好多，美國最興㗎啦，用美金，有啲砌心形、有啲砌咗個『燕』字，好多謝佢哋咁支持。」

新城知訊台《開心大派對》邀請胡楓（修哥）聯同「演唱會之母」陳淑芬（陳太）接受薛家燕、范振鋒及思敏訪問，大談將於6月7日舉行的《修哥九五至尊無限楓騷演唱會》，更透露今次演唱會亦申請「舉辦演唱會最年長華語藝人」健力士世界紀錄，認真威盡樂壇！

胡楓、陳淑芬接受薛家燕、范振鋒、思敏訪問。

修哥兩位母親：家燕姐偉大 陳太好叻

適逢母親節將至，修哥一見到薛家燕和陳太，即率先送上母親節祝福，氹得大家笑晒口。修哥大讚家燕姐是一位「好偉大的媽媽」，多年來兼顧家庭與演藝事業非常不容易；同時亦稱讚陳太是「好叻的媽媽」，事業家庭兩兼顧，認真令人佩服，現場氣氛溫馨又熱鬧。

陳淑芬、胡楓、薛家燕

修哥95歲再踏紅館 陳太：健力士審核極度嚴格

現年95歲的修哥即將六度踏上紅館舞台，消息一出即掀起搶飛潮。今次演唱會更獲超過48個主辦及支持單位參與，規模破天荒，陳太透露，今次最大目標之一，就是為修哥申請健力士世界紀錄，「申請了年幾兩年，終於成功申請在紅館舉行，挑戰『舉辦演唱會最年長華語藝人』呢個世界紀錄。」陳太更透露健力士審核極度嚴格：「他們要fact check全球紀錄，連觀眾人數、歌曲數量、演唱時間全部都有要求，不容易挑戰！」

陳淑芬、胡楓

閉關備戰演唱會 一路行一路唱練氣

雖然95歲高齡，但修哥狀態依然fit爆，他透露於5月起正式「閉關」備戰演唱會，「非必要都不出席活動。」家燕姐即爆料，修哥平日超勤力練歌，而修哥更笑言自己在家中會一路行一路唱。提到今次演出，修哥直言要求不多：「我最高要求就是唱歌要唱得好，舞台、燈光、聲音全部交畀他們搞。」不過原來私下極度認真，連嘉賓歌曲key位都要逐首確認。

陳太又大爆今次演唱會「暗藏驚喜」，透露修哥將首次挑戰從未公開唱過的新歌，「他特登揀了以前登台從來冇唱過的歌，秘密練習中！」

陳淑芬、胡楓

為粉絲改下午場 修哥暖心舉動獲激讚

今次演唱會特別安排於下午3時半開場，原來背後藏有修哥對粉絲的貼心考慮。他透露曾聽聞有長者觀眾睇完騷後，凌晨一點仍未搭到車返屋企，「我聽到好心痛，所以今次想大家可以早啲返去休息食飯。」

家燕姐亦大讚修哥一直非常照顧後輩，「佢人緣真係好好，又成日提攜新人，所以今次嘉賓全部都是粒粒巨星！」修哥即笑言回答：「你知道曬（嘉賓），我都不知！」場面搞笑。

陳淑芬與薛家燕兩位母親合照。

演唱會舞台破天荒 台上擺十圍酒席震撼全場

除了演出內容，今次舞台設計亦成焦點。陳太透露，舞台規模極大，更會破天荒於台上擺放十圍，「所有主辦、嘉賓、贊助單位都會坐上台，肯定過百人！」她更笑言最大難題是安排座位，「最頭痛是人人都想坐靚位！」

至於服裝方面，修哥則請來著名演唱會服裝設計師陳華國操刀，不過他笑言今次不打算換太多衫：「換兩、三套夠啦！」談笑間盡顯修哥幽默本色，當被問到演唱會會否跳舞時，他即鬼馬回應：「跳舞？你哋到時睇啦！」全場即時笑爆。

陳淑芬與薛家燕兩位母親合照。

詳細節目內容，請重溫5月9日，下午3-4時，新城知訊台《開心大派對》，網址：https://www.metroradio.com.hk/MetroInfo/