年近歲晚不少家庭已經購入賀年糕點在家看門口，不過「香港討論區」有網民發文抱怨，買了一盒貴價蘿蔔糕，卻遭爸爸擅自送人，令網民心有不甘。
設計圖片
發文者指，十分不開心，特哋買了盒酒店的貴價蘿蔔糕，打算留待新年食，所以一直放在雪櫃無打開來食。結果昨日回家才發現蘿蔔糕唔見咗，「原來阿爸拎咗去送畀朋友食，我心都痛埋，好貴呀，諗住過年先食架.....」。
設計圖片
不少網民奉勸發文者息事寧人，「家賊，無得追究，只好同老爸講聲，佢哋唔知盒東西係貴嘢」。也有人認為，發文者爸爸應該徵詢家人許可，「下次講聲先嘛」
設計圖片
有人就覺得發文者小題大做，「藿蔔榚貴極有限，唔值得勞氣！」、「蘿蔔糕一個,有幾貴呀?一千幾百。上網唱衰父親?」、「蘿蔔糕....貴極都咪500-600.........駛唔駛唔開心到咁。買過又點??」
也有網民是過來人，「之前屋企過時過節又係，中秋拎月餅，新年盒蘿蔔糕，靚嘢阿媽送畀親戚，cheap嘢先畀留返屋企，對外闊佬，對內寒酸要面，仲要同人show off講話仔女拎好多返來食唔哂… 係… 係食唔哂，但都唔洗畀我盒酒店嘢人，留返盒西餅舖嘅喺雪櫃… 佢話送禮個包裝盒靚啲丫嘛」、「蘿白糕啫，有幾貴呀？夠唔夠我呢壇嘢？我初戀女友送咗條呔畀我，最後畀老媽子攞咗嚟做布帶，扎舊衣服拎咗番鄉下。」、「樓主我屋企都有呢個情況。我山長水遠搬啲家庭用品返屋企諗住慢慢用，點知佢哋襯我返工嘅時候送哂畀人..」
資料圖片
帖文轉載自好唔開心，個酒店貴價蘿蔔糕被阿爸送咗人！
視障女帶導盲犬搭港鐵疑遭老翁歧視指罵，委屈落淚反擊獲乘客仗義力挺。網民心痛：狗狗眼神好無奈。
（FB影片截圖）
背心老翁疑不滿視障女子帶導盲犬搭地鐵
有網民於Facebook群組「香港突發事故報料區」轉發一段影片，事發地點為港鐵車廂內，影片顯示當時車廂內有很多乘客，一名女視障女坐在座位上拉著狗繩，一隻戴著導盲鞍的黑色導盲犬拉布拉多，則趴在女主人的腳邊。
女子疑受遭男乘客斥責委屈落淚，隔離女乘客連忙安慰，並指著站立於車門前、穿灰色羽絨背心的老翁說「佢唔識啫，唔使喊！」老翁轉過頭來，質疑狗狗並非導盲犬「做乜嘢導盲犬啫⋯」視障女子立即反駁「我盲睇唔到你啫，你無盲，點解睇唔到係導盲犬？」
（FB影片截圖）
乘客仗義挺身，幫口發聲！
當時亦有乘客仗義挺身，幫口說狗狗身上有寫明是導盲犬「佢係導盲犬嚟㗎！」、「寫到明係導盲犬」。老翁見勢色不對，便擰轉面停口。有乘客疑對老翁的無知感驚訝，表示「好得人驚」。有乘客則估計背心老翁怕狗，所以看狗狗不順眼。而導盲犬則一直乖乖趴在主人面前，好似知道被歧視，露出可憐委屈眼神。
（FB影片截圖）
事件曝光後網民批評老翁無知
影片曝光後，老翁的無禮無知行為引起公憤「咩年代呀，導盲犬都吾識」、「連導盲犬都唔知？乜人來架？」、「點解而家啲老人家咁冇知識嘅，連導盲犬都唔識真係可悲」、「同呢D人講野嘥時間，叫佢有咩不滿一係揾職員，一係報警」、「我都睇完佛都有火，盲人帶導盲犬正常，如果個叔叔感講既話係可以告話人該知歧視傷殘人仕架」、「眼疾可以有導盲犬，智障真係救佢唔到」。
（FB影片截圖）
網民心痛狗狗的遭遇
亦有不少網民心痛導盲犬「嚇親隻狗」、「狗狗眼神好無奈」、「狗狗好無辜」、「我只係覺得一隻狗做導盲犬，緝毒犬好慘」、「狗狗眼神好無奈，好唔開心」、「狗狗好驚咁」、「導盲犬為人服務 ，應得到尊重」。
帖文來源：Facebook群組「香港突發事故報料區」
