Uber的士強收「回程隧道費」港男拒付即遭「踢單」後續咁發展

有港男召Uber Taxi ，上車後司機強收「回程隧道費」，他拒絕後即遭「踢單」，結果⋯

示意圖。設計圖片

Uber的士司機強收「回程隧道費」

該港男於Facebook發文，表示「本人幾乎每日使用 Uber 上下班，第一次遇到如此過份之司機」。他指日前早上以Uber App預約的士，打算由長沙灣前往北角寶馬山，當他上車及扣好安全帶後，司機竟要求他以現金支付「回程隧道費」。樓事主立即拒絕並質疑「Uber 唔係咁樣架喎。你第一日揸Uber呀？」。司機則反駁「咁我九龍車，過咗海唔通要吉車返九龍？」

(FB圖片）

港男拒付即慘遭「踢單」

司機疑不滿樓主拒絕支付現金，於是拿出手機取消行程「踢單」，更慌稱「我唔小心撳錯掣取消行程，你落車。」事主因趕時間，所以沒有與司機理論，他以手機影了的士司機證後，便登上 Uber 安排的另一架的士離開。之後事主再向Uber投訴該司機濫收車資，更將其資料放上社交平台公審。

(FB圖片）

原來該的士司機是慣犯！

帖文曝光後，不少網民批評司機的做法「Uber 的士係唔可以私下收費，唔想過海就唔好接」、「又要用人平台，又要唔跟人地規矩」、「的士佬質素之差並非浪得虛名」；有人表示試過遇到同一司機而中伏「我之前都試過1次，又係call Uber！又係呢個司機！call車由青衣去中環！佢咁呢條友就接咗我order，嚟度我一上車問我去邊，我話中環，佢就一句我唔過海，你張單我取消咗，叫我即刻落車！」

(FB圖片）

網民反寸用Uber叫的士，港男咁樣回應

不過亦有網民反寸事主用Uber叫的士「叫Uber taxi係貪平？貪方便？花得錢就坐好少少」、「正正經經call Uber咪無事，硬係要call Uber Taxi」、「日日call uber 要求Taxi服務，天才」。事主則不忿回應表示「我用得 Uber 係求快嘅，邊種快有車就揀邊種架啦⋯罵我用 Uber 但用 Uber Taxi 嘅人，係咪未試過 Uber X 有時要等10-15分鐘先有車？話我應該等都唔應該搭 Uber Taxi 嘅人，我等得搭地鐵啦⋯」

帖文來源：Facebook

有港女在社交平台Threads發布影片，指在旺角GU分店的服裝貨品上，發現一隻紅色蟲子在衣袖來回攀爬。該女網民大感震驚，即時驚呼「呢隻會唔會係日本直送床蝨？」

有港女發現一隻紅色蟲子在衣袖來回攀爬。Threads截圖

過程令人心有餘悸

該港女指，那天因天氣寒冷想買件衣服即時穿着，見到蟲子後嚇得立刻走開，直言過程令人心有餘悸。她也補充，離開店鋪後已透過電郵向GU反映事件。

網民憂「跟返屋企」

帖文迅速引發網民關注，不少人留言直呼「可怕」。有網民提醒「好彩你有影到，跟咗返屋企就大鑊」，亦有人擔心「會唔會有人拎完嚟試，喺身上跳咗去件衫度」，更有網民直言「惹到床蝨真係食得屎」，呼籲大家轉發提醒，避免更多人受影響。

不少人留言直呼「可怕」。Threads截圖

GU回應：全面檢查並滅蟲

事後，GU方已在該女網民的影片帖文下留言回覆，指高度重視事件，已對旺角分店展開全面檢查。品牌強調今次事件屬「個別情況」，為保障顧客購物體驗，店舖將於日內進行全面滅蟲，同時正調查相關商品來源，並計劃加強入貨及陳列前的檢查流程。

GU方面已在該女網民的影片帖文下留言回覆。Threads截圖

真身比床蝨更棘手

翻查資料，事件中「怪蟲」可能並非床蝨，而是蟎蟲，且以殺滅難度而言，比床蝨更棘手。蟎蟲體長僅0.2至0.3毫米，肉眼難以察覺，常藏身室內灰塵中，尤其偏愛床褥、地毯、梳化等軟墊環境。

蟎蟲比床蝨更棘手。資料圖片

對塵蟎過敏者接觸後，可能出現呼吸困難、胸悶、喘息、咳嗽等症狀，嚴重時更會引發哮喘。預防蟎蟲需定期清潔家居、保持室內乾燥，並可適當使用除蟎產品。