社會事
將軍澳有靈車跌出棺材！有網民在社交媒體Facebook群組上載車Cam片段，顯示今早約10時，一輛靈車沿寶寧路行駛，至將軍澳醫院對開燈位停下，轉燈後開車時，靈車車尾門竟突然打開，並跌出一副棺材，棺材蓋更被跌至打開。
影片截圖
尾隨靈車的一輛黑色七人車見狀立即急煞，但靈車司機卻懵然不知繼續向前駛，其後疑似被其他司機響號通知始停下。一名穿黃衫的男子從靈車司機位走出，赫見車尾門打開後連忙關上。棺材被放在行人輔助線上，有兩名途經警員在場維持秩序，並協助將棺材抬上靈車。
影片截圖
影片引起網民熱議，不少人都笑言「求後面架車心理陰影面積」、「我一路以為拍戲先有呢啲情節，原來現實都有」、「喂，你阿爺落咗車呀」、「真係躺平」、「有無餡㗎」。亦有網民認為事件對死者不敬，「今次真係抬棺材跌甩褲，失禮死人」、「殯儀館員工真係不知所謂，冇用繩綁好！車門又冇鎖！」、「咁樣係對死者不敬」。
影片截圖
資料來源：「車cam L（香港群組）」FB
一輛靈車行車時，車尾門突然打開並跌出一副棺材。影片截圖
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
