港女外賣「西蘭花炒蝦仁」中伏「蝦仁得1隻」沙田食店事後咁補鑊

社會事

港女外賣「西蘭花炒蝦仁」中伏「蝦仁得1隻」沙田食店事後咁補鑊

2024年04月29日 12:30 最後更新：05月06日 13:51

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

帖文來源：Facebook群組「香港兩餸飯關注組」

往下看更多文章

堅尼地城診所醫護「聞新冠色變」女病患遭拒入診所感被歧視

2024年05月14日 12:30 最後更新：14:04

港女因感染新冠病毒，到堅尼地城一診所求醫，卻遭醫生以一原因拒諸門外，港女心感被歧視「第一次覺得患病係錯」。

港女感染新冠求診慘被醫生拒諸門外

該港女於facebook群組「西環變幻時」發文，表示日前因感感染新冠病毒，而到堅尼地城某診所求醫，豈料當醫生得悉她感染了新冠病毒後，便立即拒絕讓她進入診所，並要求她離開「你唔能夠入嚟診所」。樓主呆了一下，然後問：「咁我去邊？」醫生竟話「你出返去，我唔想被你傳染，我聽日開始放長假，亦都唔想你傳染診所既病人，你依架離開診所，我電話應診」。

醫生以電話應診要求親友代取藥

樓主於是低著頭走出診所，站在離診所門口約五、六步的地方等待，幾分鐘後，醫生打電話來詢問她的情況，並告訴她10分鐘後可以進入診所取藥，但醫生希望樓主本人不要進去，讓她找一個沒有感染病毒的人幫忙取藥，樓主心感無奈「我臨時臨急搵邊個幫我取藥？我唔係傷殘，點解我唔可以自己取藥？點解取藥我要搵人幫？」

事主感被醫生姑娘歧視

樓主一時之間難找親友代為取藥，於是10分鐘過後又「膽粗粗」步入診所。櫃檯姑娘則對她指著牆上的一張紙，上面大致寫著「快測兩條線要告知診所職員」。樓主心中頓時吶喊「天呀！我冇隱瞞，冇需要隱瞞，如果我入診所有留意到呢張紙，我一定會申報，反正我嚟求診就係睇covid」。

患病港女：我第一次覺得患病係錯

樓主感到極度冤枉，她指自己戴著高防護力的KF94口罩，並注意到診所內已經有許多防護措施，包括醫生和職員戴口罩、櫃檯有屏障隔離等，認為自己已經盡力做好防護，不應該受到歧視「我咁大個人，第一次被人罰企，被醫生罰企」、「如果你作為醫生唔想睇某類病人，我唔會怪你，不過你真係要諗下你適唔適合做醫生？」、「嚟睇醫生既病人，十不離八九都係有傳染性啦，點解淨係要歧視新冠病人？我第一次覺得患病係錯」。