張偉文退燒三日精神胃口轉好 惟左肺花背生壓瘡

繼續加油！

69歲「靚聲王」歌手張偉文早前喺太子一間老人院舍確診，上月19日被送往廣華醫院，惟住院期間一度傳出病情惡化消息，指他半邊肺變花及血含氧量偏低，情況不太樂觀，幸而留院第10天已退燒，病情算係回穩。

張偉文喺老人院染疫。

張偉文經理人方俊（Aman）昨日（3日）再接獲醫生電話交待張偉文最新病況，方俊接受訪問時複述醫生說法，指張偉文已退燒3日，精神及胃口不錯，但臥牀瞓得太多背部生瘡。

方俊同姚煒都畀叻張偉文。

張偉文經過多日來治療再傳來喜訊，方俊表示，醫生說他退咗燒3日，精神及胃口唔錯，說話能力還可以，由於冇晒氣促，氧氣機由4度降為2度，不過，左邊肺仍然有花，背部有壓瘡，醫生繼續用類固醇治療張偉文。

張偉文留院13日病情回穩，精神胃口都唔錯。

醫生繼續用類固醇治療張偉文。

經理人方俊都放下心頭大石。

為咗鼓勵張偉文能夠打勝仗，昨日方俊聯同他幾位好友「環星一哥」尹光、環星娛樂老闆張國林、敖嘉年、胡美儀、康華、何婉盈、楊立門，甚至遠在日本嘅陳美齡等齊齊拍片及錄音為他打氣，祝他早日康復。

方俊聯同藝人為留院中嘅張偉文打氣。

經理人方俊帶頭拍片為張偉文打氣。

康華

環星娛樂歌手王美蘭。

敖嘉年

環星娛樂歌手歌莉雅

尹光

何婉盈

楊立門

胡美儀

陳美齡

環星娛樂老闆張國林

方俊同是新加坡前輩歌手麗莎經理人，麗莎也有送上慰問。

大家期待張偉文再踏舞台。

方俊將於4月15日在北角新光戲院大劇場舉行演唱會。

方俊在71歲「靚聲王」恩師張偉文鼓勵下，月前已推出首隻單曲《鼓舞》，歌頌友情可貴，並為曾遇挫敗或受疾病煎熬的人打氣，帶出正能量，見於新歌反應不錯，方俊再於下月15日，晚上七時半在北角新光戲院大劇場舉行《方俊燃亮愛演唱會》，他並會將部份門票送贈視障人士及其家屬來「燃亮愛」，讓視障者都有機會感受及聽到音樂會，將對恩師張偉文的愛傳遞下去。

黃偉文欣喜得悉方俊舉行個人演唱會，勉勵方俊要做到最好，親口應承到場支持。

人情味濃濃，方俊偕張偉文出外，沿街市遇上熱情粉絲問候支持，祝「靚聲王」身體健康，更祝方俊演唱會good show！

好有善心的方俊照顧張偉文不遺餘力，他一直希望能舉行充滿愛心的音樂會，今次處男演唱竟能夢想成真，他說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」

《方俊燃亮愛演唱會》海報

近日方俊忙於新歌及個唱做宣傳，仍不忘抽空到老人院探望張偉文及陪他飲茶。當偉文得知方俊開騷時表演興奮，叮囑他要做到最好，唔好失禮師傅。方俊乘機追問師傅：「偉文，你會唔會嚟撐我呀？會唔會嚟睇我騷呀？」張偉文即碌大雙眼精靈回應：「會！我唔嚟聽點撐你呀！」張偉文唔排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」語畢，張偉文技癢，即興唱半首《訪英台》， 唱得有板有眼，仲有埋造手功架，好有睇頭。

張偉文近年雖然患上認知障礙症，但也加入為方俊新歌《鼓舞》和音行列。外出期間，沿街及食店內有唔少fans上前問候及支持張偉文，希望偉文身體健康可以在網上唱多啲歌，更祝方俊演唱會good show。另外，音樂會嘉賓還有方麗盈、王美蘭及神秘殿堂級天后，門票在3月8日公開發售。

茶餐廳遇到粉絲爭相拍照。

方俊近期忙於新歌及演唱會宣傳未能前往探望偉文，日前方俊相約偉文茶敍，偉文威迫方俊演唱會一定要做到最好，叮囑完後笑逐顏開，非常高興！